हॅलो बॉलिवूड ऑनलाईन। हेमांगी कवी हे मराठी सिनेसृष्टीतील अत्यंत नामांकित नाव आहे. ती सोशल मीडियावर प्रचंड सक्रिय असून तिच्या चाहत्यांसह लहानातली लहान गोष्ट शेअर करत असते. अशीच तिने तिच्या आयुष्यात असलेल्या दुर्गेसाठी एक पोस्ट केली होती फार चर्चेत राहीली. पण तिची दुर्गा नेमकी कोण ते काही समजले नाही. यानंतर आज तिच्या दुर्गेचा वाढदिवस आणि त्यानिमित्ताने तिने खास पोस्ट शेअर करत तिची दुर्गा अभिनेत्री सुश्मिता सेन असल्याचे सांगितले आहे. रवी जाधव दिग्दर्शित सुश्मिताच्या आगामी ‘ताली’ या वेब सिरिजमध्ये हेमांगी कवी देखील महत्वाच्या भूमिकेत आहे आणि या निमित्ताने तिची भेट सुश्मितासोबत झाली. त्या भेटीचा अत्यंत भावुक क्षण तिने आज शेअर केला आहे.
याआधी हेमांगीने याच क्षणाचा याच भेटीचा फोटो शेअर केला होता. मात्र तेव्हा तिने यामध्ये सुश्मिताचा चेहरा दाखवला नव्हता. केवळ भावना व्यक्त केल्या होत्या. तिने यात लिहिलं होत कि, ‘काल मला माझी दुर्गा भेटली. दगड मातीच्या मूर्तींपेक्षा मी माणसांमध्ये देव शोधते आणि मला भेटतात ही. रवी सरांच्या आगामी वेब सिरीजमध्ये मी जिच्यासोबत काम करतेय ती माझ्यासाठी दुर्गाच आहे. एका अर्थी आज मी जिथे आहे ते तिच्या मुळेच! योग्य वेळ आल्यावर सांगेनच कसं ते! पण ज्याची कल्पना ही केलेली नसते साधं स्वप्न ही पाहिलेलं नसतं जेव्हा ते आपल्या समोर उभं राहतं तेव्हा आपलं काय होत असेल ओ?’
या पोस्टचा अर्थ आज समजला. हेमांगीच्या आयुष्यतील तिची दुर्गा दुसरी तिसरी कुणी नसून बॉलिवूड अभिनेत्री सुश्मिता सेन आहे. तिने सोशल मीडियावर आज सुश्मिताच्या वाढदिवसाला हि खास पोस्ट शेअर केली आहे. ज्यामध्ये तिने सुश्मिताच्या भेटीचा भावुक क्षण शेअर केला आहे. सोबत तिला वाढदिवसाच्या शुभेच्छा देत म्हटलंय कि, ‘हॅप्पी बर्थडे माय दुर्गा’. सोबतच शेअर केलेल्या व्हिडिओमध्ये हेमांगी सुश्मिताच्या हातावर फुलं ठेवते आणि तिच्या पायावर डोकं ठेऊन तिला नमस्कार करताना दिसते आहे.
Discussion about this post