हॅलो बॉलिवूड ऑनलाईन। सध्या सोशल मीडियावर चर्चेत असलेला चित्रपट म्हणजे ‘तमाशा लाईव्ह’. या चित्रपटाच्या शीर्षकापासून, पोस्टर आणि अगदी गाण्यांचीही सोशल मीडियावर भलतीच चर्चा आहे. अनोख्या नावासह अनोखे कथानक घेऊन हा चित्रपट येत्या १५ जुलै २०२२ रोजी सर्वत्र प्रदर्शित होतोय. या चित्रपटामध्ये सोनाली कुलकर्णी, सचित पाटील, सिद्धार्थ जाधव, हेमांगी कवी, पुष्कर जोग, नागेश भोसले, मृणाल देशपांडे, मनमीत पेम, आयुषी भावे या कलाकारांच्या प्रमुख भूमिका आहेत. तर या संगीतमय चित्रपटाचे दिग्दर्शन संजय जाधव यांनी केले आहे. त्यामुळे इंडस्ट्रीचा संजय दादासुद्धा चर्चेत आहे. प्रमोशनसाठी केलेला डान्स असेल किंवा मग प्रेक्षकांना घातलेली आर्त साद सोशल मीडियावर चर्चेत आहे.
दिग्दर्शक संजय जाधव यांनी तुम्हालाही मुलगी असेल, तर तुम्ही ‘तमाशा Live’ नक्की बघाच! ‘तमाशा Live’ १५ जुलैपासून तुमच्या जवळच्या चित्रपटगृहात… असे कॅप्शन देत एक व्हिडीओ पोस्ट केली आहे. हा व्हिडीओ त्यांनी आपल्या अधिकृत सोशल मीडिया इंस्टाग्रामवर शेअर केली आहे. यामध्ये त्यांनी आपले अनुभव आणि चित्रपटाशी त्या अनुभवांचे असलेले नाते सांगितले आहे. त्यामुळे हा व्हिडीओ गेल्या दोन दिवसांपासून सोशल मीडियावर व्हायरल होताना दिसतो आहे.
या व्हिडिओमध्ये संजय जाधव म्हणतात कि, ‘तमाशा लाईव्ह हा सिनेमा करताना मला माझ्या मुलीची खूप आठवण यायची. मला असं वाटायचं कि, हा सिनेमा मी तिच्यासाठी बनवतोय. माझ्या मुलीचं नाव आहे ध्रीती संजय जाधव. ध्रीती आता २३ वर्षाची आहे. ध्रीती जसजशी मोठी होऊ लागली तसतसा तिचा मित्रपरिवार वाढू लागला… आणि मग तीच घरात राहणं कमी आणि बाहेर राहणं वाढू लागलं. मला असं वाटत कि हे सगळं नॅचरल आहे.. कारण मी जेव्हा तरुण होतो तेव्हा मीपण हेच केलं. तेव्हा माझी आई मला खूप सांगायची, थांबायची कि संजू एव्हढा वेळ बाहेर राहू, फिरू नको. पण मी ऐकलं नाही. मी म्हणायचो कि, आई प्लिज यार आता मी मोठा झालोय. पण आता माझ्या बाबतीत जेव्हा हे व्हायला लागलं.. जेव्हा एक बाप म्हणून याकडे मी पाहायला लागलो तेव्हा कळलं कि त्यावेळी आईला काय वाटायचं…
हा व्हिडीओ अतिशय भावनिक असून अनेकांच्या मनाला भावला आहे. त्यामुळे हा व्हिडीओ सोशल मिडीआयवर व्हायरल होतोय. शिवाय यामध्ये तमाशा लाईव्ह चित्रपटाची काही कथा मांडली असेल का असाही अंदाज काही लोक लावत आहेत.
Discussion about this post