हॅलो बॉलिवूड ऑनलाईन। ‘बिग बॉस १६ मधील सगळेच स्पर्धक एकमेकांसाठी खतरा बनताना दिसत आहेत. एकमेकांची उणी धुणी काढण्यापासून ते खाणं पिणं काढण्यापर्यंत हे स्पर्धक आधीच पोहोचले आहेत. यानंतर आता बिग बॉस १६ च्या घरात प्रेमाची खिचडी शिजणार असं दिसतंय. सध्या या घरामध्ये तीन स्पर्धक असे आहेत जे प्रेमाच्या त्रिकोणाच्या तीन बाजू झाले आहेत. यात फुल एकच आहे पण माळी दोन. आता हे फुल कुणाच्या बाजूने झुकतं माप घेणार ते अजूनतरी निश्चित नाही. आतापर्यंत तुम्ही समजला असालच कि आम्ही कुणाबद्दल बोलत आहोत. टीना, गौतम आणि शालीन.
बिग बॉस १६ च्या घरात प्रवेश केल्यानंतर सगळेच म्हणतात कि, मी इथे गेम खेळायला आलोय आणि मी फक्त तेव्हढच करणार. मला बाकी कशातही इंटरेस्ट नाही. प्रेम बीम करायला हि योग्य जागा नाही. एव्हढं बोलूनही हे स्पर्धक जरा जरा करत पूर्णच घसरतात. बिग बॉस हाऊसचा तर इतिहास आहे. यामध्ये कितीतरी स्पर्धक आले. त्यांना प्रेम झालं आणि काहींनी ते टिकवलं तर काहींचं फिस्कटलं. अलीकडेच एजाज खान आणि पवित्रा पुनिया यांच्या एंगेजमेंटचे फोटो व्हायरल झाले होते. यानंतर आता यंदाच्या सिजनमध्ये अजून तरी फिक्स जोडी तयार झालेली नाही. पण टिनाच्या मागे शालीन आणि गौतम नावाचे दोन भुंगे फिरताना दिसत आहेत.
नुकत्याच झालेल्या भागात शालीन भनोत गौतमला बोलताना दिसला कि, त्याला टीनाविषयी कुछ कुछ होता है! शालिनला टीनाबद्दल काहीशा प्रेमाच्या फीलिंग्स येत असल्याचे तो सांगताना दिसला. तर दुसरीकडे मात्र गौतम आणि टिनाची चांगली गट्टी होऊन ते एकमेकांच्या फार जवळ येताना दिसले. या सगळ्यात सूंबुलसोबत नाव जोडलं जाता जाता शालिनची गाडी तर टिनाकडे वळली हे काही वेगळच. यामध्ये गौतम फक्त शालिनला त्रास देण्यासाठी टीनासोबत वेळ घालवतोय कि त्याचंही मन टिनाकडे वळतंय..?आता महत्वाचं हे आहे कि, टिनाची गाडी कोणाकडे वळण घेते..? शालिनकडे का गौतमकडे. यासाठी बिग बॉसचे पुढील एपिसोड जरूर पहा.
Discussion about this post