हॅलो बॉलिवूड ऑनलाईन। सध्या कलर्स टीव्हीवरील ‘बिग बॉस १६ ने तर माहोल बनवला आहे. सगळेच स्पर्धक एकदम जोशात खेळताना दिसत आहेत. आता इथे प्रत्येकालाच जिंकायचं आहे. पण त्यासाठी आधी घरात टिकायचं आहे. ज्यासाठी सगळ्यांनाच कॅप्टन्सी महत्वाची आहे. गेल्या आठवड्यात शीवच्या कॅप्टन्सीनंतर त्याने निम्रितला कॅप्टन्सी दिली आणि ती बीबी हाऊसची राणी झाली. यानंतर घरात गोल्डन बॉईज घरात एंटर झाले. ते येताना स्पर्धकांनी प्राईज मनीमधून गमावलेले २५ लाख रुपये परत घेऊन आले. पण आता बिग बॉसने कॅप्टन्सी आणि २५ लाख दोन्हीपैकी एक निवडण्याचा निर्णय घ्यायला सांगितलं आहे. ज्यामध्ये सुंबुलने कॅप्टन्सी निवडली आहे. पण बाकीच्यांना तर २५ लाखाची भूक आहे. अशात पुढे काय होईल..? हे पाहणे रंजक ठरणार आहे.
या घरात कॅप्टन्सी एव्हढी महत्वाची झाली आहे कि त्यासाठी सगळे स्पर्धक वारंवार एकमेकांसोबत भांडताना दिसले आहेत. पण यावेळी कॅप्टन्सी नको म्हणून भांडताना दिसत आहेत. घरातला बुलंद आवाज म्हणजे अर्चना गौतम आता सुंबुलने कॅप्टन्सी निवडू नये म्हणून राडा घालताना दिसणार आहे. नुकताच कलर्स टीव्हीच्या अधिकृत सोशल मीडिया हँडलवर एक प्रोमो शेअर करण्यात आला. ज्यामध्ये सुंबुल २५ लाखांपुढे कॅप्टन्सी निवडताना दिसते आहे आणि अर्चना तिने कॅप्टन्सी निवडलीच कशी म्हणून भांडताना दिसते आहे.
या प्रोमोमध्ये आपण पाहू शकतो कि बिग बॉस टास्कची घोषणा करत आहेत. बिग बॉसने गोल्डन बॉईजमार्फत एका एरोप्लेनमधून काही गोल्डन बिस्कीट दिले आहेत. हे गोल्डन बिस्कीट स्पर्धकांनी जमा करायचे आहेत. जायच्याकडे जास्त बिस्कीट तो कॅप्टन्सीचा उमेदवार. यावेळी एकतर २५ लाख नाहीतर कॅप्टन्सीची उमेदवारी असा पर्याय बिग बॉस समोर ठेवतात. ज्यामध्ये सुंबुल कॅप्टन्सीची उमेदवारी निवडते. यावरून अर्चना तोंड बघून राणी हो.. तूझ्यामुळे गेलेले पैसे तुझी जबाबदारी आहे आमचे पैसे परत आणायची. तू तर उद्या निघून जाशील.’ यावर सुंबुल म्हणते कि, ‘तुझ्या खिशातून गेलेले का..?’ यावर अर्चना तिला म्हणते तोंड बघ जा.. राणी बनणार… तोंड बघून राणी व्हा! असे बोलते.’
Discussion about this post