हॅलो बॉलिवूड ऑनलाईन। मराठी सिनेविश्वातील लोकप्रिय अभिनेत्री अमृता खानविलकर सोशल मीडियावर प्रचंड सक्रिय असते. सोशल मीडियाच्या माध्यमातून विविध पद्धतीने ती आपल्या चाहत्यांच्या संपर्कात राहताना दिसते. अमृताचे विविध फोटोस, विविध लूक आणि आगामी प्रोजक्ट्सची माहिती ती नेहमीच सोशल मीडियावर चाहत्यांसह शेअर करते. इची प्रत्येक पोस्ट चाहते डोक्यावर उचलून घेतात. इंस्टाग्रामवर ३.७ मिलियन इतके फॉलोवर्स आहेत. असे असताना काही तासांपूर्वी अमृताने जी पोस्ट शेअर केली आहे ती पाहून चाहत्यांना धक्का लागला आहे.
अभिनेत्री अमृता खानविलकरने तिच्या अधिकृत सोशलक मीडिया हॅण्डल इंस्टाग्राम एक पोस्ट शेअर केली आहे. ज्यामध्ये तिने एक Quote पोस्ट शेअर केली आहे. पण या Quote चा अर्थ असा होतो आहे कि, ‘मी तुला पुन्हा भेटेन.. जेव्हा योग्य वेळी आपले मार्ग कधीतरी पुन्हा एकमेकांसमोर कधीतरी येतील’. शिवाय कॅप्शनमध्ये तिने सी यु ऑल आणि गुड बाय असे हॅशटॅग दिले आहेत. यामुळे अमृता सोशल मीडियाला रामराम ठोकतो का काय..? असा प्रश्न चाहत्यांना पडला आहे. अनेक चाहत्यांनी या पोस्टवर कमेंट करत अमृताला विचारलं आहे कि, कुठे चाललीस तू अचानक..? आता अमृताची हि पोस्ट पाहून काही काळासाठी ती सोशल मीडियावर सक्रिय नसेल असेच वाटत आहे. पण हे असे का..? याचे कारण अद्याप अस्पष्ट आहे.
याशिवाय अनेकांना अमृताची हि पोस्ट म्हणजे आगामी सिनेमासाठी केलेली प्रमोशनल ऍक्टिव्हिटी वाटतेय. अमृताने गेल्या काही दिवसांपूर्वीच आगामी मराठी चित्रपट ‘कलावती’ची घोषणा करत पहिले पोस्टर शेअर केले होते. ज्यामध्ये पडद्याआड अमृताची रहस्यमय नजर प्रेक्षकांचे लक्ष वेधून घेते आहे. ‘कलावती’ या चित्रपटात दिग्गज कलाकार आपल्या भेटीला येणार असून यामध्ये अमृतासोबत महाराष्ट्राची हास्यजत्रा फेम ओंकार भोजने दिसणार आहे. कलावतीचं पोस्टर पाहून अमृता पुन्हा एकदा लावणी कलावंतीणीचा भूमिका साकारणार असे वाटत असले तरीही लावणी आणि कलावती यांचा काहीही संबंध नाही, हे आधीच स्पष्ट करण्यात आले आहे. हा चित्रपट एक हॉरर कॉमेडी ड्रामा असून याचे दिग्दर्शन संजय जाधव करणार आहेत.
Discussion about this post