हॅलो बॉलिवूड ऑनलाईन। प्रसिद्ध दिग्दर्शक केदार शिंदे यांनी दिग्दर्शित केलेला ‘महाराष्ट्र शाहीर’ हा चित्रपट राज्याच्या मातीतील लोककलावंत शाहीर साबळे यांचा जीवनपट आहे. या चित्रपटातील गाणी म्हणजे संगीत पर्वणीचं. त्यामुळे चित्रपटातील प्रत्येक गाणं तुफान हिट झालं आहे. बॉक्स ऑफिसवर सुरुवातील मोठी कमाई करणारा या चित्रपटाची तिसऱ्या आठवड्यात कमाई मंदावली असली तरीही गाण्यांचे क्रेझ कायम आहे. फक्त राज्यात नव्हे तर आता देशात, परदेशांतही या चित्रपटाची गाणी वाजत आहेत. ‘बहरला हा मधुमास’ या गाण्यावर तर एकापेक्षा एक रील बनवताना लोक दिसत आहेत. अशातच आता एका जपानी जोडप्याने देखील या गाण्यावर बनवलेला व्हिडीओ व्हायरल होतो आहे.
‘महाराष्ट्र शाहीर’ या सिनेमातील ‘बहरला हा मधुमास’ हे गाणं सोशल मीडियावर भारी ट्रेंडिंगमध्ये आहे. त्यामुळे मराठी- हिंदी कलाकार, रील स्टार्स. परदेशी रील स्टार डान्सिंग डॅडी, टांझानियाचा किली पॉल यानंतर आता एका जपानी जोडप्याला या गाण्याची भुरळ पडली आहे. काकेताकु नावाच्या जपानी कलाकाराने हा व्हिडिओ त्याच्या अधिकृत सोशल मीडिया हॅण्डल इंस्टाग्रामवर शेअर केला आहे. ‘बहरला हा मधुमास’ या गाण्यावर त्याने पिरो नामक जपानी डान्सरसोबत सुंदररित्या या गाण्याच्या हुकस्टेप केल्या आहेत. हा व्हिडीओ सोशल मीडियावर तुफान व्हायरल होत आहे आणि नेटकऱ्यांच्या पसंतीस पडतो आहे.
काकेताकु या जपानी कलाकाराबद्दल बोलायचं झालं तर, तो सोशल मीडिया माध्यम इंस्टाग्रामवर अत्यंत सक्रिय असणारा रील स्टार आहे. त्यामुळे सोशल मीडियावर त्याच्या चाहत्यांची संख्या फार मोठी आहे. साधारण ३१३k इतके त्याचे सोशल मीडियावर फॉलोवर्स आहेत. काकेताकु हा अनेकदा विविध भाषिक गाण्यांवर वेगवेगळे रिल्स बनवून शेअर करताना दिसतो. याआधी देखील त्याने अनेक हिंदी गाण्यांवर डान्स रिल्स बनवल्या आहेत. मात्र यावेळी त्याने थेट मराठी गाण्यावर ताल धरला आणि सगळ्यांना थक्क करून टाकलं.
Discussion about this post