हॅलो बॉलिवूड ऑनलाईन । साऊथची सुपरस्टार अभिनेत्री रश्मिका मंदान्ना (Rashmika Mandana) सध्या तिच्या बॉलिवूड डेब्यूमुळे चर्चेत आहे. बॉलिवूडचा किंग अमिताभ बच्चन (Amitabh Bachhan) याच्यासोबत रश्मिका बॉलिवूडमध्ये पदार्पण करत आहे. सध्या रश्मीका तिच्या गुडबाय चित्रपटाचे जोरदार प्रमोशन करताना दिसत आहे. या चित्रपटाचा ट्रेलर नुकताच प्रदर्शित झाला आहे. यानिमित्ताने रश्मीकाने झलकदिख लाजा सिझन १० (Jhalak Dikhhla Jaa 10) च्या शो ला उपस्थिती लावली होती.
रश्मिका मंदानाला नॅशनल क्रश म्हणून ओळखलं जातं. तर माधुरी दीक्षित (Madhuri Dixit) धक धक गर्ल म्हणून प्रसिद्ध आहे. Jhalak Dikhhla Jaa 10 च्या स्टेजवर आज या दोघी एकत्र पहायला मिळणार आहेत. कलर्स चॅनेलच्या अधिकृत इंस्टाग्राम अकाउंटवर नुकताच याचा एक टिझर रिलीज करण्यात आला आहे. यामध्ये माधुरी अन रश्मीका या दोघींच्यात जोरदार टशन पाहायला मिळत आहे.
मेरे पास बिल्डिंग है, गाडी है, बँक बॅलन्स है..तुम्हारे पास क्या है असं माधुरी रश्मीकाला विचारते. त्यानंतर रश्मीकही असेच काही प्रश्न माधुरीला विचारते. प्रेक्षक मात्र या शो चा पुरेपूर आनंद घेताना दिसत आहेत. आज संध्याकाळी हा एपिसोड कलर्स चॅनलवर प्रसारित केला जाणार आहे.
माधुरीचा रश्मिकासोबत गरबा डान्स (Jhalak Dikhhla Jaa 10)
रश्मिका मंदान्ना सध्या तिच्या ‘गुडबाय’ या चित्रपटामुळे चर्चेत आहे. आता रश्मिकाचा एक व्हिडिओ चांगलाच व्हायरल होत आहे. या व्हिडिओमध्ये रश्मिका माधुरी दीक्षितसोबत डान्स करताना दिसत आहे. या व्हिडिओमध्ये दोघीही माधुरीच्या आगामी ‘माजा मा’ या चित्रपटाच्या ‘बूम पडी’वर गरबा करताना दिसत आहेत. माधुरी आणि रश्मिकाचा डान्स चाहत्यांना खूप आवडला आहे.
Discussion about this post