हॅलो बॉलिवूड ऑनलाईन। आपल्या परखड मतांची कडक शब्दांत मंडळी करणारे आणि विविध मुद्द्यांवर अगदी थेट बोलणारे अभिनेते किरण माने गेल्या काही महिन्यांपासून भारी चर्चेत राहिले आहेत. बिग बॉस मराठी सीजन ४ मध्ये सहभागी होऊन किरण माने यांनी रिऍलिटी शोसुद्धा गाजवला. यानंतर प्रेक्षकांनी मानेंवर भरभरून प्रेम केले, आदर दिला आणि हे पाहून क्षणोक्षणी किरण माने भावुक होताना दिसले. यानंतर ठिकठिकाणी त्यांचा सत्कार होताना दिसला आणि आता किरण माने यांना थेट ‘महाराष्ट्र आयकॉन’ या पुरस्काराने सन्मानित करण्यात आले आहे. राज्याचे उद्योगमंत्री उदय सामंत आणि अप्पर पोलीस महासंचालक विश्वास नांगरे पाटील यांच्या उपस्थितीत त्यांना हा पुरस्कार प्रदान करण्यात आला.
याबाबत अभिनेता किरण माने यांनी आपला आनंद शब्दात व्यक्त केला आहे. या सोहळ्याचे काही फोटो जोडून त्यांनी एक पोस्ट शेअर केली आहे. अधिकृत सोशल मीडिया हॅण्डलवर हि पोस्ट शेअर करताना किरण माने यांनी लिहिलंय कि, ‘…खरं सांगतो दोस्तांनो, त्यावेळी मी अश्रूंशी संघर्ष केला नसता, तर आज या फोटोत माझ्या चेहऱ्यावर उमटलेल्या हास्याचं मोल मलाच कळलं नसतं ! काल मुंबईत मला ‘महाराष्ट्र आयकाॅन ॲवाॅर्ड – २०२३’ देऊन सन्मानित करण्यात आलं. राज्याचे उद्योगमंत्री उदय सामंत यांच्या हस्ते आणि अप्पर पोलीस महासंचालक विश्वास नांगरे पाटील यांच्या उपस्थितीत हा पुरस्कार मी स्विकारला. ‘ऑलवेज हेल्पिंग हॅंड फाऊंडेशन’ या समाजसेवी संस्थेनं रविंद्र नाट्यमंदिरात हा सोहळा आयोजित केला होता’.
‘…हल्ली अशावेळी मन खूप हळवं होतं. गेल्या वर्षभरात मी वेदनेच्या खोल दरीतून समाधानाच्या शिखरापर्यन्तचा जो प्रवास केलाय तो आयुष्यभर विसरणार नाही. १३ जानेवारी २०२२ ते ८ जानेवारी २०२३ – ‘मुलगी झाली हो’ची नकोशी काॅन्ट्रोव्हर्सी ते ‘बिगबाॅस’चे हवेहवेसे नादखुळा शंभर दिवस – या काळानं, कायम काळजात जपून ठेवाव्या अशा विलक्षण, अद्भूत आठवणी दिल्या ! संधीची खूप दारं उघडलीत… आता फक्त काम करायचंय… मनापास्नं, जीव लावून, भरपूर काम करायचंय… अभिनयातनं माझ्या चाहत्यांना आनंद द्यायचाय… बास ! आता कुठलाही त्रास नको. “तुका म्हणे नाहीं आघाताचा वारा । ते स्थळीं दातारा ठाव मागें ।।” हेल्पींग हॅन्ड’च्या सारीका घार्गे-कदम आणि सहकार्‍यांचे लै लै लै मनापास्नं आभार’.
Discussion about this post