हॅलो बॉलिवूड ऑनलाईन। बिग बॉस मराठी सीजन ४ मधून प्रकाश झोतात आलेला अभिनेता किरण माने मालिका फेम आहेच. पण बिग बॉसने किरण मानेला एक वेगळीच ओळख मिळवून दिली. ‘मुलगी झाली हो’ या मालिकेतील पात्र आणि त्यानंतर मालिकेच्या निर्मात्यांशी झालेलं भांडण ते अगदी सोशल मीडियावरील पोस्ट यांमुळे किरण मानेची हवा सतत असायची. बिग बॉसमधला जब्बर खेळ पाहून त्याच्या चाहत्यांनी सातारचा बच्चन म्हणून त्याला संबोधले. यानंतर आता नशीब चमकणे म्हणजे काय याचा बरोबर प्रत्यय मानेला आलेला दिसतोय.
बिग बॉस मराठीनंतर आता लवकरच किरण माने ज्येष्ठ आणि प्रसिद्ध चित्रपट दिग्दर्शक महेश मांजरेकर यांच्या आगामी चित्रपट दिसणार आहे. त्यामुळे बिगबॉसने किरण मानेची लॉटरीचं काढून दिली म्हणायला काही हरकत नाही. हि आनंदाची बाब किरण माने याने आपल्या अधिकृत सोशल मीडिया हँडलवर चाहत्यांसह शेअर केली आहे. या पोस्टमध्ये त्याने महेश मांजरेकर यांच्यासोबत शूटिंग सेटवरील एक फोटो शेअर केला आहे. सोबत हटके कॅप्शन देत चाहत्यांना आनंदाचा धक्का दिला आहे.
किरण माने यांनी शेअर केलेल्या या पोस्टमध्ये लिहिले आहे की, ”वास्तव’ हे हाय, की आता ‘कॅमेरा’ माझी आन् मी कॅमेर्‍याची पाठ सोडत नसतोय. मी येतोय भावांनो… लवकरच… एका नादखुळा भुमिकेत… वुईथ ‘द महेश मांजरेकर’ ! अपनी कुर्सी की पेटी बांध लिजिए.. मौसम बिगड़ने वाला है…’ किरण मानेच्या या पोस्टवर त्याच्या चाहत्यांनी विविध प्रतिक्रिया देत त्याच्यावर शुभेच्छांचा वर्षाव केला आहे.
Discussion about this post