हॅलो बॉलिवूड ऑनलाईन। लावणीसम्राज्ञी मेघा घाडगे तिच्या अदाकारी साठी आणि परखड बोलण्यासाठी प्रसिद्ध आहेत. तिच्या नसानसांत लावणी भिनली आहे आणि म्हणून जेव्हा जेव्हा लावणीचा अपमान होतोय असे तिला वाटते तेव्हा तेव्हा ती व्यक्त होते. अलीकडेच गौतमी पाटीलवार ती प्रचंड बारसल्याचे आपण पाहिले. मेघा घाडगे सोशल मीडियावर प्रचंड सक्रिय असतात. त्यामुळे विविध फोटो, व्हिडीओ आणि पोस्ट शेअर करून त्या आपल्या चाहत्यांच्या संपर्कात राहताना दिसतात. आगामी प्रोजेक्ट असो किंवा वैयक्तिक आयुष्यातील घडामोडी ती चाहत्यांशी शेअर करताना दिसतेच.
मेघा घाडगे यांनी नुकतीच सोशल मीडियावर एक पोस्ट शेअर केली आहे. ज्यामध्ये तिने साज शृंगार केल्याचे दिसत आहे. पण जितका जबरदस्त शृंगार तितकाच अंदाज अंगार आहे असे म्हणायला हरकत नाही. कारण या फोटोमध्ये तिने नऊवारी साडी नेसून, शृंगार केला आहे आणि सोबतच केसांत गजरा माळून एक झकास पोझ देताना दिसते आहे. फोटोपेक्षा या फोटोच्या कॅप्शनने अनेकांना घायाळ केले आहे. या कॅप्शनमधून मेघा घाडगे यांनी ज्यांना लावणी माहित नाही त्यांच्यावर थेट निशाणा धरला आहे.
मेघा घाडगेने हि पोस्ट तिच्या अधिकृत सोशल मीडिया हॅण्डलवर शेअर केली आहे. या पोस्टमधूल फोटोसह तिने कॅप्शनमध्ये लिहिले आहे कि, “थोतांड तुमच्या ट्रेंडचे इथं दावु नका, देखाव्याची इंग्रजी इथे आजमावू नका, ढोलकी आणि लेझिमला कुणी तोड नाही, ज्याला माहीत नाही “लावणी” त्याला मराठी म्हणू नका…”. मेघाच्या या कॅप्शनने अनेकांची मने जिंकली आहेत. या फोटोवर अनेक चाहत्यांनी कमेंट्सही केल्या आहेत. ठसकेबाज लावणी, मोहक अदाकारी आणि लक्षवेधी सौंदर्यामूळे मेघा घाडगेने नेहमीच प्रेक्षकांच्या मनाचा ठाव घेतला आहे. यंदाच्या ‘बिग बॉस मराठी’च्या चौथ्या पर्वातदेखील तिने सह भाग घेतला होता आणि स्वतःची एक वेगळी बाजू प्रेक्षकांसमोर मांडली. पण या खेळातून तिचा प्रवास लवकर संपला.
Discussion about this post