हॅलो बॉलिवूड ऑनलाईन। आज शनिवारी संध्याकाळी ८ वाजता कलर्स टीव्ही घेऊन येतोय ‘झलक दिखला जा’ आणि ‘खतरों के खिलाडी’ कार्यक्रमाचा महासंगम. या विशेष बाबीसह आणखी एक विशेष गोष्ट आहे आणि ती म्हणजे झलकच्या मंचावर पुन्हा एकदा धकधक गर्ल माधुरी दीक्षित तिच्या एव्हरग्रीन गाण्यावर थिरकताना दिसणार आहे. मराठमोळ्या लावणी किंग आशिष पाटीलबद्दल तर काय बोलायचे.. ज्यांनी ज्यांनी अमृता खानविलकरचा ‘चंद्रमुखी’ सिनेमा पाहिला असेल त्यांना ‘बाई गं’ हि बैठकीची लावणी माहीतच असेल. या गाण्याचे नृत्य दिग्दर्शन आशिष पाटीलने केले होते आणि यासाठी त्याला अलीकडेच प्रवाहचा नामांकित पुरस्कार देण्यात आला. याच लावणी किंगच्या तालासोबत ताल मिळवत अभिनेत्री आणि झलकची स्पर्धक अमृता खानविलकर आणि परीक्षक माधुरी दीक्षित थिरकताना दिसल्या आहेत.
लावणीकिंग आशिष पाटीलने आपल्या इंस्टाग्रामवर हि पोस्ट शेअर करत कॅप्शन मध्ये लिहिले आहे कि, ‘होय.. होय.. होय.. या शनिवार व रविवारच्या विकेंडला एक प्रतिभावान प्रिय मैत्रिण अमृता खानविलकरसोबत ‘झलक दिखला जा’मध्ये माझा परफॉर्मन्स पहा.. फक्त कलर्स टीव्हीवर यानंतर आणखी एक व्हिडीओ पोस्ट त्याने शेअर केली आहे. ज्यामध्ये आशिष, अमृता यांच्यासह अभिनेत्री आणि डोला गर्ल माधुरी दीक्षित त्यांच्यासोबत थिरकताना दिसते आहे. या व्हिडिओला कॅप्शन देत आशिषने लिहिले आहे कि, ‘अमृता खानविलकर के जोरदार परफॉर्मन्स के बाद मधुरी दीक्षितने मिलाये उनके कदम से कदम. या विकेंडला हा आयकॉनिक क्षण मिस्ड करू नका.
आशिषने शेअर केलेल्या या पोस्टमुळे त्याचे चाहते आणि ‘झलक दिखला जा’ शोचे प्रेक्षक यांमध्ये विशेष उत्सुकता निर्माण झाली आहे. कधी एकदा हा परफॉर्मन्स पाहतो असे सगळ्यांना झाले आहे. अनेकांनी यावर आपल्या प्रतिक्रिया देताना आपली उत्सुकता व्यक्त केली आहे. एका नेटकऱ्याने लिहिले आहे कि, ‘क्या बात है’. तर आणखी एकाने लिहिले आहे कि, ‘शिट्या आणि फक्त शिट्या’. याशिवाय आणखी एकाने लिहिले आहे कि, ‘वूह.. अजिबात प्रतीक्षा करू हाकत नाही.’ तसेच आणखी एका नेटकऱ्याने लिहिले आहे कि, ‘अरे बापरे.. दोन प्रिय एकाच फ्रेममध्ये’
Discussion about this post