हॅलो बॉलिवूड ऑनलाईन। सध्या कलर्स टीव्ही या हिंदी वाहिनीवर ‘झलक दिखला जा १०’ हा लोकप्रिय डान्सिंग रिऍलिटी शो सुरु आहे. या शोमध्ये मराठी सिनेसृष्टीची चंद्रा अर्थात अभिनेत्री अमृता खानविलकर सहभागी झाली आहे. यामुळे अनेकदा तिच्या मराठी ठेक्याची लहर सगळ्यांनाच येत असते. सध्या नवरात्र सुरु असल्यामुळे सगळ्या शोमध्ये आवर्जून नवरात्री विशेष भाग होत आहेत. यानिमित्त बॉलिवूडची हॉट ब्युटी नोरा फतेहीने नऊवारी नेसून चक्क वाजले कि बारा या लोकरीप्रिय मराठी लावणीवर नृत्य केले आहे. तिचा डान्स पाहून माधुरीलाही शिट्टी वाजवण्याचा मोह काही आवरता आला नाही.
डान्सर आणि अभिनेत्री नोरा फतेही सध्या ‘झलक दिखला जा १०’ या डान्स रिॲलिटी शोसाठी जज म्हणून कार्यरत आहे. सध्या तिचा एक व्हिडिओ सोशल मिडीयावर व्हायरल होतो आहे. ज्यामध्ये नोराने हिरव्या रंगाची नऊवारी साडी नेसली आहे. सोबत सोनेरी नथ आणि हेवी वर्क ज्वेलरी परिधान केली आहे. अमृता खानविलकरने लावणी वेड आपण जाणतोच. शिवाय माधुरीलाही लावणीची आवड आहे. त्यामुळे अमृताचा परफॉर्मन्स संपल्यावर माधुरीने नोरा फतेहीला स्टेजवर अमृतासह लावणी करण्याची विनंती केली. मग काय नोरा झाली सज्ज आणि थेट मंचावर पोहोचली.
या व्हिडिओमध्ये अमृतासोबत नोरा मस्त थिरकताना दिसते आहे. अमृताच्या वाजले कि बारा या लोकप्रिय गाण्यावर त्यांनी नृत्य सादर केले आहे. यावेळी नोराच्या चेहऱ्यावरील भाव पाहण्यासारखे होते. दरम्यान माधुरी दीक्षित नोराच्या नृत्याचा आणि गाण्याचा चांगलाच आनंद घेताना दिसत आहे. नोरा फतेहीचा परफॉर्मन्स संपताच शेवटी माधुरी दीक्षित जोरजोरात शिट्ट्या वाजवते आणि आनंदाने तिला स्टँडिंग ओव्हेशन देते. माधुरी दीक्षित आणि नोरा फतेहीसोबत करण जोहरदेखील झलक दिखला जा १०’साठी जज म्हणून कार्यरत आहे.
Discussion about this post