हॅलो बॉलिवूड ऑनलाईन। झी मराठी वाहिनीवरील अत्यंत लोकप्रिय ठरलेली मालिका म्हणजे ‘माझी तुझी रेशीमगाठ’. या मालिकेची सांगता खरंतर केव्हाच झाली होती. पण प्रेक्षकांच्या आग्रहाखातर हि मालिका काही महिन्यांसाठी वाढवली गेली. यानंतर मात्र आता ही मालिका फायनल गुड बाय करणार आहे.
उद्या या मालिकेचा १ तासाचा विशेष भाग प्रसारित होईल आणि हि मालिका प्रेक्षकांचा निरोप घेईल. मालिका म्हटलं कि ती संपणारच ना! पण प्रेक्षकांनी मात्र हि मालिका संपवू नका असा हट्टच धरला. मालिका संपणार म्हणून अनेकांनी आपली नाराजी व्यक्त केली आहे.
छोट्या पडद्यावर लोकप्रिय ठरलेली हि मालिका संपू नये असे प्रेक्षकांना वाटत आहे. या मालिकेतील यश आणि नेहाची केमिस्ट्री, तसेच परीचा गोंडसपणा प्रेक्षकांच्या मनात घर करून बसला आहे. अल्पावधीतच या मालिकेने प्रेक्षकांची मनं जिंकली. या मालिकेचा शेवटचा १ तासाचा विशेष भाग २२ जानेवारी २०२३ रोजी, रविवारी रात्री ९:०० वाजता प्रसारित करुन ही मालिका आता प्रेक्षकांचा निरोप घेते आहे. याआधी मालिका संपणार असे संकेत मिळताच प्रेक्षकांनी आग्रह धरला म्हणून मालिकेत ट्विस्ट देऊन कथानकाची वाढ केली. पण यावेळी असे काहीही होणार नाही आणि त्यामुळे प्रेक्षक नाराज झाले आहेत.
त्यामुळे ‘माझी तुझी रेशीमगाठ’ हि मालिका बंद होणार हे नक्की. पण चाहत्यांमध्ये नाराजीचे वातावरण पसरले आहे. अनेकांनी मालिका निरोप घेणार यावर शिक्कामोर्तब करणाऱ्या झी मराठीच्या सोशल मीडिया पोस्टवर कमेंट करत नाराजी दर्शवली आहे.
एकाने म्हटले आहे कि, ‘प्लीज हि मालिका बंद करू नका’. तर अन्य एकाने लिहिले आहे कि, ‘कृपया माझी तुझी रेशीमगाठ हि मालिका बंद करू नये, ही विनंती आहे’. याशिवाय आणखी काही प्रेक्षकांनी या मालिकेच्या जागेवर कोणतीही नवी मालिका नको.. हीच मालिका पुढे सुरु ठेवा अशीही मागणी केली आहे.
Discussion about this post