हॅलो बॉलिवूड ऑनलाईन। सोशल मीडिया एक असे माध्यम आहे जिथे व्यक्त होणे आणि व्यक्त होऊन प्रसिद्ध होणे यासाठी केवळ एक रात्र देखील पुरेशी आहे. म्हणून तर सेलिब्रिटीसुद्धा सोशल मीडियावर जास्त सक्रिय असतात. आता मलायका अरोराच पहा. सोशल मीडियावर विविध गोष्टींसाठी चर्चेत राहणे आणि वारंवार ट्रोल होणे तिच्या आयुष्याचा एक अविभाज्य घटक झाला आहे. पण सध्या मलायका तिच्या व्हायरल व्हिडीओमुळे चर्चेत आली आहे आणि यावेळी नुसती चर्चा नाही तर मिम्ससुद्धा बनत आहेत.
सोशल मीडियावर कोण.. कधी.. काय.. व्हायरल करेल आणि पुढे काय होईल हे काही सांगता येत नाही. असंच झालाय मलायकाच्या बाबतीत. मलायकाचा एक व्हिडीओ सध्या सोशल मीडियावर तुफान व्हायरल होत आहे. कारण या व्हिडिओमध्ये मलायका भारताचे पंतप्रधान नरेंद्र मोदी यांच्या डुप्लिकेटसोबत संवाद साधताना दिसते आहे. अगदी मोदींसारखा हुबेहूब दिसणारा हा व्यक्ती, त्याचा पेहराव, बोलण्याची पद्धत सगळं काही मोदींसारखं असल्यामुळे क्षणभर कुणालाही खुद्द मोदी डोळ्यासमोर उभे आहेत असेच वाटेल. तर या व्हिडिओमध्ये मलायका आणि मोदी चर्चा करत आहेत असंच वाटत आहे आणि म्हणून हा व्हिडीओ तुफान व्हायरल झाला आहे.
अनेकदा मलायका ट्रोलिंगची शिकार झाली आहे. कितीतरी मिम्स तिच्यावर रोजचं बनत असतात. पण या व्हिडीओने तर कहरच केला. काही मिनिटांसाठी का होईना अनेक नेटकऱ्यांच्या डोळ्यालासुद्धा भ्रम झालाच. मलायकाच्या या व्हिडिओवर अनेक नेटकऱ्यांनी कमेंट केली आहे. एकाने लिहिले आहे कि, नकली मोदी. तर दुसऱ्याने लिहिले आहे, ‘अरे मला वाटलं मोदी आहेत’. अन्य एकाने लिहिले कि, ‘इथे सगळे हे बघत आहेत कि हा माणूस मोदींसारखा का दिसतोय.?’ तर अन्य एकाने लिहिले आहे कि, ‘कुणी सांगू शकतं..? मोदीजी कोणत्या विषयावर चर्चा करत आहेत.?’
Discussion about this post