हॅलो बॉलिवूड ऑनलाईन। मराठी चित्रपट सृष्टीतील अत्यंत लोकप्रिय अभिनेत्री मानसी नाईक सोशल मीडियावर प्रचंड सक्रिय असते. त्यात गेल्या काही महिन्यांपासून मानसी तिच्या खासगी आयुष्यामुळे फार चर्चेत आहे. मानसी आणि तिचा पती प्रदीप खरेरा एकमेकांपासून विभक्त होऊन वेगळे आयुष्य सुरु करणार आहेत. लवकरच त्यांचा घटस्फोट होणार आहे. सध्या घटस्फोटाची अधिकृत प्रक्रिया सुरू असून ते वेगवेगळे राहत आहेत. या दरम्यान मानसीने अनेकदा श्री स्वामी समर्थांवरील आपली श्रद्धा व्यक्त करणाऱ्या पोस्ट शेअर केल्या आहेत. अशातच आणखी एक पोस्ट शेअर करत तिने नेटकऱ्यांचे लक्ष वेधून घेतले आहे.
अभिनेत्री मानसी नाईकची श्री स्वामी समर्थांवर प्रचंड श्रद्धा आहे आणि त्यामुळे आयुष्यातील कोणत्याही परिस्थितीबाबत व्यक्त होताना ती स्वामींच्या पाठिंब्याचा आणि आधाराचा उल्लेख करतेच. तर नुकतंच मानसीने वसईतील भुईगाव येथील मठात जाऊन श्री स्वामी समर्थांचे दर्शन घेतले आहे. तिने सोशल मीडियावर एक व्हिडीओ शेअर करत याची माहिती दिली आहे. मुख्य म्हणजे यावेळी मानसीने सेलिब्रिटी असण्याची ओळख विसरून स्वामी सेवेत स्वतःला झोकून दिले होते. मानसीने पदर खोचून उभे राहून भक्तांना प्रसाद वाढण्याचे सौभाग्य मिळवले.
मानसी नाईकने स्वामींच्या दर्शनाचा व्हिडीओ शेअर करत लिहिलंय, ‘आज स्वामी समर्थ प्रकट दिन. सेवा करायची संधी मिळाली. आज खूप छान वाटलं, या नव्या मानसीचा जन्म झालाय. त्यामुळे भिऊ नकोस मी तझ्या पाठिशी आहे. याच विश्वासाने मला माझा मार्ग दाखवला. आई बरोबर दर्शन केले. सिद्धेश पाटील धन्यवाद, तुझ्यासारखा भाऊ लाभला याला नशीब लागते. भुईगावचा मठ, दादा- वहिनी, सगळे सेवेकरी यांना मनापासून धन्यवाद. आजचा दिवस खास. स्वामी तुम्ही माझ्यासाठी सर्व काही आहात. एक गोष्ट लक्षात ठेवा. अशक्य ही शक्य करतील स्वामी.. कधीच हार मानायची नाही’.
Discussion about this post