हॅलो बॉलिवूड ऑनलाईन| बिग बॉसच्या १६व्या सीजनचा भव्य आणि दिमाखदार ग्रँड फिनाले सोहळा आज संध्याकाळी पार पडणार आहे. एक दोन नव्हे तर तब्बल ५ तास हा ग्रँड फिनालेचा सोहळा रंगणार आहे. आज या सीजनचा ताज अर्थात विजेते पद कोणाला मिळणार हे समजणार आहे. त्यामुळे प्रेक्षकांमध्येही मोठी उत्सुकता आहे. आजच्या दिवशी बिग बॉसच्या १६ व्या पर्वाचे सर्व स्पर्धक पुन्हा एकदा आपल्या भेटीस येणार आहे दरम्यान या सीजनची गाजलेली मंडली धमाकेदार परफॉर्मन्स देणार आहे.
नुकताच सोशल मीडियावर आजच्या दिवसाचा एक प्रोमो व्हिडिओ शेअर करण्यात आला आहे. यामध्ये बिग बॉस सीजन १६ ची गाजलेली मंडली अर्थात फायनलिस्ट शिव ठाकरे, एमसी स्टॅन यांच्यासह निम्रित कौर अहलुवालिया, सुंबुल खान तौकिर, साजिद खान आणि अब्दु रोझिक यांची टीम. यांच्या मैत्रीची काही व्याख्याच और होती. भले यांना कुणी काही बोललं तरी यांची दोस्तीतली दुनियादारी वेगळीच होती. फायनलच्या निमित्ताने ही मंडली पुन्हा एकदा एकत्र दिसली आहे.
एका भन्नाट डान्स परफॉर्मन्ससह ते पुन्हा एकदा एक सुंदर आठवण तयार करताना दिसतील. हक से मंडली लिहिलेलं डेनिमचं जॅकेट घालून हे सगळे दोस्त एकमेकांसोबत बिग बॉसच्या घरातील एक अनोखा क्षण एन्जॉय करताना दिसणार आहेत. यांसह इतरही फायनलिस्ट सदस्य हटके डान्स परफॉर्मन्स देताना दिसणार आहेत. सध्या बिग बॉसच्या प्रेक्षकांमध्ये एकच उत्सुकता आहे की यंदाची ट्रॉफी कोण जिंकणार..? प्रेक्षकांच्या पसंतीनुसार सध्या शिव ठाकरे आणि प्रियांका चहर चौधरी यांच्यामध्ये मोठी स्पर्धा आहे असे बोलले जात आहे.
Discussion about this post