हॅलो बॉलिवूड ऑनलाईन। आजपासून राज्यात गणेशोत्सव सुरु झाला असून सगळीकडे नुसता आनंदी आनंद आणि जल्लोष आहे. बाप्पा म्हणजे सगळ्यांचं लाडकं दैवत. त्यामुळे बाप्पाच्या आगमनाने सगळं वातावरण प्रफुल्लित होऊन जातं. १० दिवसांचे सार्वजनिक तर दीड, पाच, गौरी गणपती आणि अगदी सात दिवसाचे सुद्धा घरगुती गणेश असतात. दरवर्षी लोक वाजत गाजत गणरायाचं आगमन करतात. गेल्या दोन वर्षात या सणाचा म्हणावा तसा आनंद कुणालाच लुटता आला नाही आणि म्हणूनच यंदाचं हे वर्ष फार खास आहे. सर्वसामान्यांप्रमाणे अनेक मराठी आणि अगदी बॉलिवूड कलाकारांच्या घरी देखील गणरायाचे सुखमय आगमन होते. यंदाही अनेक सेलिब्रिटींच्या घरी बाप्पा आला आहे आणि या खास आल्हाददायी क्षणांचे फोटो या सेलिब्रिटींनी सोशल मीडियावर शेअर केले आहेत. तर चला पाहुयात मराठमोळ्या कलाकारांचा जंगी गणेशोत्सव. पहा फोटो खालीलप्रमाणे:-
Discussion about this post