हॅलो बॉलिवूड ऑनलाईन। शूश्श्शश्शश्शश्श…….. कारण पहिल्या रात्री ती तुम्हाला ऐकू येईल……दुसऱ्या रात्री ती तुम्हाला दिसेल…….. आणि तिसऱ्या रात्री..? तिसऱ्या रात्री ती असेल पण कदाचित तुम्हीच नसाल… होय.. एक रहस्यमय आणि थरारक खेळ पुन्हा एकदा सुरु होणार आहे आणि तो हि लवकरच.. आणि हा खेळ खेळणार आहे झी मराठी ते हि त्यांच्या नव्या कोऱ्या मालिकेच्या माध्यमातून जिचं नाव आहे ‘ती परत आलीये’. हि मालिका येत्या १६ ऑगस्ट २०२१ पासून प्रेक्षकांच्या भेटीस ती’ला घेऊन येणार आहे. हि मालिका अतिशय लक्षवेधी असून तिचा आणखी एक चित्त थरारक प्रोमो व्हिडीओ झी मराठीच्या प्रदर्शित केला आहे. हा व्हिडीओ पाहून तर कुणालाही थरकाप भरेल यात काही वादच नाही.
ती परत आलीये हि मालिका एका रहस्याचा शोध घेणारी, थोडं घाबरवणारी आणि खूप सारं मनोरंजन करणारी आहे. या मालिकेच्या पहिल्या प्रोमोपासूनच प्रेक्षकांची उत्सुकता अतिशय ताणली गेली आहे. कारण मालिकेतली हि ती म्हणजे कोण? हा सगळ्यात मोठा प्रश्न झी मराठीच्या प्रेक्षकांना पडला आहे. शिवाय आता नुकताच या मालिकेचा आणखी एक प्रोमो व्हिडीओ आणि पोस्टर्स सोशल मीडियावर पोस्ट करण्यात आले आहेत. यातील प्रोमो व्हिडिओतील बाहुलीचे डोळे, ओठ आणि चेहरा साधारण बाहुलीसारखा अजिबात नाहीये. मात्र प्रोमोतून उलघडा होईल इतकी साधी सोप्पी सरळ हि कथा नाही.
मालिकेचे शीर्षक अत्यंत लक्षवेधी आहे. शिवाय मालिकेचे प्रोमो आणि पोस्टर्स त्याहीपेक्षा जास्त उत्सुकता वाढविणारे आहेत. नुकतेच समोर आलेले पोस्टर हे तीन पोस्टर्सच्या फ्रेममध्ये आहेत. यात ३ रात्रीचा उल्लेख केला आहे. पहिल्या रात्री ती तुम्हाला ऐकू येईल, दुसऱ्या रात्री ती तुम्हाला दिसेल, तिसऱ्या रात्री ती असेल पण तुम्हीच नसाल असे या तिन्ही पोस्टर मध्ये लिहिलेले दिसतेय. या पोस्टर आणि प्रोमोजवरून नेटकऱ्यांनी मात्र असा अंदाज लावलाय कि हि मालिका काहीतरी नवीन आणि भयावह घेऊन येणार आहे. तर काहींनी मात्र बॉलिवूड चित्रपट ‘स्त्री’ ची कथा असेल असे म्हटले आहे. आता नेमकी हि मालिका काय घेऊन येतेय हे पाहण्यासाठी येत्या सोमवारपासून रात्री १०:३० वाजता मालिका पाहणे आवश्यक आहे.
Discussion about this post