हॅलो बॉलिवूड ऑनलाईन। प्रत्येक कलाकार आपल्या फिटनेसबाबत खूप काळजी घेत असतो. पण यातील काही युथ आयकॉन होतात. जसं अभिनेत्रींमध्ये मलायका अरोराचं नाव घेतलं जात. अगदी तसंच अभिनेत्यांमध्ये सुपर फिट मिलिंद सोमण यांचं नाव घेतलं जात. सध्या बॉलिवूड अभिनेता मिलिंद सोमण यांनी एकदा ‘ग्रीन राइड’च्या दुसऱ्या आवृत्तीला सुरूवात केली आहे. दि. १९ डिसेंबर २०२२ रोजी सुरु झालेली हि लाइफलाँग फ्री राइड २६ डिसेंबर २०२२ या कालावधीपर्यंत सायकलसह अनेक शहरातून हि मोहीम पूर्ण केली जाईल. ही मोहिमेची दुसरी आवृत्ती आहे. लाइफलाँग ऑनलाइन रिटेल प्रायव्हेट लिमिटेड या आघाडीच्या ग्राहकांसाठी टिकावू वस्तू बनविणाऱ्या कंपनीने ग्रीन राइड उपक्रम सुरू केला. मिलिंद सोमण मुंबई ते मंगळूर अशी ग्रीन राईड एकट्याने सायकल चालवत ८ दिवसात १० शहरांमधून १४०० किमी अंतर पूर्ण करणार आहेत. मार्गात समाविष्ट असलेली शहरे मुंबई, पुणे, कराड, कोल्हापूर, बेळगाव, शेगाव, हिरेबेन्नूर, तुमकुरू, म्हैसूर, मंगळूर आहेत.
अभिनेता मिलिंद सोमण त्याच्या विविध उपक्रमांद्वारे सर्वांसाठी फिटनेसचा संदेश पसरवणाऱ्या फिटनेस मिशनवर आहे. मग ते धावणे असो किंवा सायकल चालवणे. या मोहिमेशी तो आधीपासून जोडलेला आहे. ज्यात त्याने लोकांना आळशीपणाशी लढण्यासाठी प्रेरित केले आहे. हि एक चळवळ असून यात प्रत्येकाला त्यांच्या आळशीपणाशी लढण्यासाठी आणि स्वतःला त्यांच्या योग्य शारीरिक रूपात ठेवण्यासाठी प्रेरणा दिली जात आहे. ग्रीन राईड हा लोकांमध्ये जागरूकता निर्माण करण्यासाठी आणि आपले पर्यावरण निरोगी आणि प्रदूषणमुक्त ठेवण्यासाठी प्रोत्साहित करण्याचा उपक्रम आहे. लाइफलाँग फ्रीराइड सायकल ही शिमॅनो २१ स्पीड गियर सायकल आहे. तिच्या वैशिष्ट्यांमध्ये डिस्क ब्रेक्स आहेत. शिवाय ब्रेकिंग सिस्टमसाठी उत्कृष्ट ब्रेकिंग पॉवर यांचा समावेश आहे. सर्व भूप्रदेशांवर योग्य ब्रेकिंग नियंत्रण हे सायकल विशेषतः डिझाइन केलेली आहे.
ग्रीन राईडच्या दुसऱ्या आवृत्तीत फिटनेस आयकॉन अभिनेता मिलिंद सोमण म्हणाले कि, ‘भारतातील वायू प्रदूषण वाढत आहे, विशेषत: तंदुरुस्त आणि निरोगी जीवनशैली जगण्यासाठी घराबाहेर व्यायाम करणार्या प्रत्येकासाठी मोठी चिंता निर्माण झाली आहे. आपले पर्यावरण निरोगी आणि प्रदूषणमुक्त ठेवणे हे आपले नैतिक कर्तव्य आहे. अशा उपक्रमात सर्वांनी सहभागी व्हायला हवे. एक जबाबदार नागरिक या नात्याने, मला वाटते की स्वच्छ वाहतुकीचा वापर करणे हा आपला एक सुज्ञ निर्णय आहे. शिवाय आपल्या आळशी लोकांशी लढण्यासाठी ही एक चांगली प्रेरणा असेल. ग्रीन राईडच्या दुसऱ्या आवृत्तीसाठी मी उत्साहित आहे आणि प्रत्येकाने प्रदूषणाचा सामना करण्यासाठी नव्हे तर आपल्या आळशी लोकांशीही लढण्यासाठी सायकल सारख्या स्वच्छ वाहतुकीच्या पद्धतींचा वापर करण्याचे आवाहन करू इच्छितो.’
लाइफलाँग ऑनलाइन रिटेल प्रा. लि.चे सह-संस्थापक भरत कालिया म्हणाले कि, ‘आम्ही मिलिंद सोमणसोबत ग्रीन राईडची दुसरी आवृत्ती पुन्हा एकदा सुरू करताना खूप उत्सुक आहोत. तो आपल्या सर्वांसाठी दररोज निरोगी आणि सक्रिय राहण्यासाठी एक महान प्रेरणा आहे. हा ग्रीन राईड उपक्रम प्रदूषण कमी करण्यासाठी प्रत्येकाला आपल्या दैनंदिन निवडीबद्दल जागरूक राहण्यास प्रोत्साहित करण्याच्या दिशेने एक लहान पाऊल आहे. तसेच, मिलिंदचा हा प्रयत्न सर्वांसाठी खूप चांगले काम करेल.’
Discussion about this post