हॅलो बॉलिवूड ऑनलाईन। फक्त बॉलिवूड नव्हे तर टॉलिवूड सिनेविश्वातही आपल्या अभिनयाने एक भक्कम स्थान निर्माण करणारी अभिनेत्री मृणाल ठाकूर सोशल मीडियावर प्रचंड सक्रिय असते. चाहत्यांच्या संपर्कात राहण्यासाठी ती नेहमीच विविध पोस्ट शेअर करताना दिसते. मृणालच्या मोहक हास्यावर न जाणे कित्येक तरुण फिदा आहेत. मृणालने रविवारी एक व्हिडीओ शेअर केला होता. ज्यामध्ये तिचा अंदाज खूपच क्युट होता. या व्हिडिओवर कमेंट्सचा अक्षरशः पाऊस पडला. यातील एक कमेंट अशी होती जिने लक्ष वेधून घेतलं. यामध्ये एका चाहत्याने मृणालला थेट प्रपोज केलंय आणि यावर अभिनेत्रीनेही हटके उत्तर दिलंय.
अभिनेत्री मृणाल ठाकूरने हा व्हिडीओ तिच्या अधिकृत सोशल मीडिया हॅण्डल इंस्टाग्रामवर शेअर केला आहे. यामध्ये मृणाल तामिळ गाणं ‘उन्नाकुल नाने’ वर तिची ज्वेलरी फ्लाँट करताना दिसत आहे. या व्हिडीओवर एका चाहत्याने कमेंट करताना लिहिले आहे कि, ‘मेरी तरफ से रिश्ता पक्का है’. याचा मराठी अर्थ असा कि, ‘माझ्याकडून या नात्याला होकार आहे’. या कमेंट्सने सगळ्यांचं लक्ष वेधून घेतलं अगदी मृणालचंसुद्धा. मग काय.. यावर मृणालनेही थोडीशी मजा घेत कमेंट केली आहे. मृणालने या चाहत्यांच्या प्रस्तावाला उत्तर देत म्हटलंय कि, ‘माझ्याकडून तर नकार आहे’.
मृणालची हि कमेंट चांगलीच चर्चेत आली आहे. यानंतर अनेक नेटकऱ्यांनी मात्र त्या बिचाऱ्या चाहत्याची खिल्ली उडवली आहे. अभिनेत्री मृणाल ठाकूर हि एक भारतीय अभिनेत्री आहे. आतापर्यंत तिने अनेक चित्रपटांमध्ये काम केले आहे. मात्र मृणाल ठाकूर शेवटची बहुभाषिक चित्रपट ‘सीता रामम’मध्ये दिसली होती. या चित्रपटातील तिची भूमिका प्रेक्षकांना प्रचंड भावली होती. या चित्रपटात मृणालने दुल्कर सलमानसोबत स्क्रीन शेअर केली आहे. एका लष्करी जवानाच्या प्रेमात पडलेल्या राजकुमारीची भूमिका तिने यात साकारली होती.
Discussion about this post