हॅलो बॉलिवूड ऑनलाईन। मराठी सिनेसृष्टीमध्ये मानसी नाईक एक उत्तम अभिनेत्री आणि तितकीच उत्तम नृत्यांगना म्हणून प्रसिद्ध आहे. मानसी एखाद्या गाण्यावर थिरकली तर एकावेळी कित्येक हृदय घायाळ होतात. बघतोय रिक्षावाला म्हणत तिने अख्ख्या महाराष्ट्राला वेड लावलं. अशी हि मानसी सोशल मीडियावर सक्रिय राहून ती नेहमीच चाहत्यांच्या संपर्कात असते. आपल्या अदाकारीने चाहत्यांच्या काळजाचा ठोका चुकवते. आताही तिने असाच एक व्हिडीओ शेअर केलाय त्यामधील तिच्या अदा पाहून कुणीही आपलं हृदय तिला द्यायला तयार होईल.
अभिनेत्री मानसी नाईकने तिच्या अधीकृत सोशल मीडिया हॅण्डल इंस्टाग्रामवर एक व्हिडीओ शेअर केला आहे. ज्यामध्ये तिने ‘हमरी अटरीयापें, आजा रे सावरिया..’ या गाण्यावर दिलखेचक अदाकारी केली आहे. तिच्या डोळ्यातले हावभाव, तिच्या नाजूक हालचाली काळजावर घाला घालत आहेत. तिचा हा व्हिडीओ सोशल मीडियावर प्रचंड व्हायरल झाला असून नेटकरी तर घायाळ झाले आहेत. अनेकांनी या व्हिडिओवर कमेंट करत तिच्या सौंदर्याची, अदाकारीची आणि घायाळ करणाऱ्या नजरेची तारीफ पे तारीफ केली आहे.
मानसीने शेअर केलेल्या या व्हिडिओत ती सुंदर अशा हिरव्या रंगाचा शालू नेसलेली दिसत आहे. सोबतच मोकळे केस, कपाळावर टिकली, हातात बांगड्या आणि साजेसा मेकअप यामुळे ती कमालीची सुंदर दिसते आहे. तिचा या व्हिडिओवर एकाने कमेंट करत लिहिले आहे कि, ‘हे गाणं, तुझे डोळे, ओठ, तुझी प्रत्येक अदा… मग म्हणशील कि नशा करतोस, दोषी तर तू आहेस आणि मला गुन्हेगार म्हणतेस’. तर अन्य एकाने लिहिलंय, ‘सुरुवात तर खुपच मनमोहक अदाने’. आणखी एकाने लिहिलंय, ‘शुद्ध… कातिलाना’. तर आणखी एकाने म्हटले आहे, ‘ बाबा रे तापमान… वाढत आहे’.
Discussion about this post