हॅलो बॉलिवूड ऑनलाईन। मराठी टेलिव्हिजन विश्वातील अत्यंत लोकप्रिय मालिका म्हणून ‘आई कुठे काय करते’ या मालिकेकडे पाहिले जाते. मालिकेचा टीआरपी इतका जबरदस्त आहे कि, हि मालिका नेहमीच टॉप १० च्या यादीत दिसते. सद्य या मालिकेत खूप घडामोडी पटापट घडत आहेत. अलीकडेच गौरी काही दिवसांसाठी परदेशी गेल्याचे दाखवले. ज्यामुळे यश उदास झालाय. तर ईशा आणि अभी त्याला दिलासा देत आहेत. दुसरीकडे ईशा आणि अनिश एकमेकांमध्ये रस नसल्याचे सांगत दूर होत आहेत. तर दुसरीकडे अरुंधती आणि आशुतोष जवळ यावेत म्हणून नितीनचे प्रयत्न सुरू आहेत का काय..? असाच एक प्रश्न पडावा अशा घटना घडत आहेत.
त्याच काय झालं, गेल्या भागात अरुंधतीच्या काॅलेजबाहेर आशुतोष असतानाच त्याला हाॅस्पिटलमधून फोन येतो कि, सुलेखा ताईंना हार्ट अटॅक आलाय. यामुळे सगळे धावत तिथे जातात. सध्या सुलेखा ताई हाॅस्पिटलमध्ये भर्ती आहेत आणि त्यांच्या प्रकृतीविषयी सांगताना डाॅक्टर त्यांना हार्ट अटॅक आल्याचे सांगतात. यामुळे आशुतोष खचून जातो. यावेळी अरुंधती नितीनला म्हणते कि, आपण आशुतोषला एकटं पडू द्यायचं नाही. यानंतर आता नव्या प्रोमोमध्ये सुलेखा ताई बेडवर झोपलेल्या दिसत आहेत.
या प्रोमोमध्ये सुलेखा ताई अरुंधतीला म्हणतात कि, तू जवळ असलीस की मला बरं वाटतं. काळजी वाटत नाही. पुढे तिचा हात हातात घेऊन त्या तिला विचारतात, माझ्या आशूला आयुष्यभर साथ देशील ना..? यावर आता अरुंधती काय बोलणार..? याकडे सगळ्यांचं लक्ष लागलं आहे. याच कारण म्हणजे हे एक उत्तर अरुंधतीचं आयुष्य पुन्हा एकदा बदलून टाकणार आहे. दरम्यान, हा प्रोमो पाहिल्यानंतर प्रेक्षकांनी आपापल्या प्रतिक्रिया दिल्या आहेत. अनेकांनी अरुंधतीने हो म्हणून सकारात्मक उत्तर द्यावे आणि पुढील आयुष्याचा विचार करावा अशा प्रतिक्रिया दिल्या आहेत.
Discussion about this post