हॅलो बॉलिवूड ऑनलाईन। वाळवी… लाकूड पोखरणारी ही किड जर एखाद्या नात्याला लागली तर..? ऐकून थोडं आश्चर्य वाटलं ना..? अशीच नात्याला लागलेली ‘वाळवी’ आजपासून चित्रपटगृहात प्रेक्षकांना पहायला मिळणार आहे. परेश मोकाशी दिग्दर्शित ‘वाळवी’ या चित्रपटाचे पहिले पोस्टर आल्यापासून हा चित्रपट चर्चेत आहे. पण चित्रपटाचा ट्रेलर प्रदर्शित झाल्यानंतर काहींच्या डोक्याला मुंग्या आल्या असतील. हि नक्की काय भानगड आहे..? हा काय प्रकार आहे असा सगळ्यांना प्रश्न पडला. तर या प्रश्नाचे उत्तर आजपासून चित्रपट गृहात मिळणार आहे. शिवाय हा चित्रपट एका तिकिटावर एक तिकीट फ्री ची दमदार ऑफरसुद्धा घेऊन आला आहे.
झी स्टुडिओज आणि मधुगंधा कुलकर्णी निर्मित तसेच परेश मोकाशी दिग्दर्शित ‘वाळवी’ हा चित्रपट आजपासून अर्थात दिनांक १३ जानेवारी २०२३ पासून सर्वत्र महाराष्ट्रात प्रदर्शित झाला आहे. या चित्रपटात नक्की काय आहे..? हे जाणून घेण्याची प्रतीक्षा अखेर आज संपली आहे. आनंदाची बाब म्हणजे या चित्रपटाच्या प्रदर्शनाच्या दिवशी म्हणजेच १३ जानेवारीला जो प्रेक्षक संध्याकाळी सहा ते दहा वाजताच्या शोचे तिकीट काढेल, त्याला एका तिकीटावर एक तिकीट मोफत देण्याची घोषणा झी स्टुडिओज टीमतर्फे करण्यात आली आहे.
या घोषणेनंतर अनेक प्रेक्षकांनी या संधीचा लाभ घेतला आहे. तुम्ही घेतला नसेल तर अजूनही वेळ गेलेली नाहीये. यंदाची संक्रांत प्रेक्षक ‘वाळवी’ पाहून साजरी करतील, इतकं नक्की. चित्रपटाचे शीर्षक जितके हटके कथानकदेखील तितकेच वेगळे आहे. ‘वाळवी’ची कथा, पटकथा आणि संवाद परेश मोकाशी आणि मधुगंधा कुलकर्णी यांचे आहेत. तर चित्रपटात सुबोध भावे, स्वप्नील जोशी, अनिता दाते, शिवानी सुर्वे या कलाकारांच्या प्रमुख भूमिका आहेत. आता हि वाळवी नक्की कुणाला आणि कशी लागली हे जाणून घ्यायची तुम्हालाही उत्सुकता असेल तर चित्रपट जरूर पहा.
Discussion about this post