हॅलो बॉलिवूड ऑनलाईन। प्रेमात विश्वास असेल तर नाती जपता येतात.. पण नात्यात विश्वास नसेल तर..? प्रेम करता येत का..? याच प्रेमाची आणि नात्यांची गुंफण असलेले कथानक घेऊन मल्टिस्टारर ‘उर्मी’ हा आगामी मराठी चित्रपट लवकरच आपल्या भेटीला येतो आहे. या चित्रपटात अभिनेता चिन्मय उदगीरकर, नितीश चव्हाण यांच्यासह अभिनेत्री सायली संजीव आणि रसिका सुनील मुख्य भूमिकेत दिसणार आहेत. हा चित्रपट येत्या १४ एप्रिल २०२३ रोजी प्रदर्शित होणार आहे. तत्पूर्वी याचा टिझर प्रदर्शित झाला असून सोशल मीडियावर व्हायरल होतो आहे.
‘उर्मी’ या आगामी मराठी चित्रपटाचा टीजर सोशल मीडियावर लाँच करण्यात आला आहे . या चित्रपटात प्रेम आणि गुंतत गेलेल्या नात्यांची गोष्ट पहायला मिळणार आहे. समृद्धी क्रिएशनने ‘उर्मी’ या चित्रपटाची प्रस्तुती केली आहे. तर डॉ. प्रवीण चौधरी या चित्रपटाचे निर्माते आणि चैताली प्रवीण चौधरी सहनिर्मात्या आहेत. ‘उर्मी’ या चित्रपटाचे संवादलेखन, पटकथा आणि दिग्दर्शन अशा तिहेरी जबाबदाऱ्या राजेश जाधव यांनी आपल्या खांद्यावर समर्थपणे पेलल्या आहेत. तर विजय गटलेवार यांनी चित्रपटाचे संगीत पाहिले आहे. याशिवाय अनंत कामत यांनी संकलन आणि कौशल गोस्वामी यांनी छायाचित्रण केले आहे.
या चित्रपटात रसिका सुनील, सायली संजीव, चिन्मय उदगीरकर, नितीश चव्हाण यांच्याशिवाय अभिनेता माधव अभ्यंकर, ऋतुजा जुन्नरकर आणि सायली पराडकर हे कलाकार देखील अन्य मात्र मुख्य तसेच पाहुण्या कलाकाराच्या भूमिकेत दिसणार आहेत. हि एक मल्टीस्टार फिल्म आहे. ज्याचे कथानक प्रेम आणि नात्यांभोवती फिरत आहे. या चित्रपट पती- पत्नीच्या नात्यात आलेल्या तिसऱ्या व्यक्तीमुळे होणारे बदल.. या चित्रपटाचे कथानक खेळवत आहे. चित्रपटाच्या टीजरवरून चित्रपटाविषयी उत्सुकता वाढली आहे.
Discussion about this post