हॅलो बॉलिवूड ऑनलाईन। बॉलिवूड इंडस्ट्रीचा लोकप्रिय दिग्दर्शक रोहित शेट्टीचा आगामी चित्रपट ‘सर्कस’ लवकरच आपल्या भेटीला येतो आहे. या चित्रपटाच्या निमित्ताने रोहित शेट्टी आणि रणवीर सिंग पुन्हा एकदा मोठ्या पडद्यावर धमाल करायला सज्ज झाले आहेत. नुकताच ‘सर्कस’चा अधिकृत ट्रेलर रिलीज झाला असून सोशल मिडियावर सर्कस भारी चर्चेत आहे. या चित्रपटात रणवीर सिंग, जॅकलिन फर्नांडिस, पूजा हेगडे, वरून शर्मा, जॉनी लिवर, सिद्धार्थ जाधवच्या कॉमेडीचा तडकासुद्धा पहायला मिळणार आहे.
सध्या सोशल मिडीयावर ‘सर्कस’चा हा ट्रेलर कमालीचा व्हायरल होतो आहे. हा चित्रपट खरोखरच खऱ्याखुऱ्या सर्कसची आठवण करुन देतोय. कारण या चित्रपटाच्या ट्रेलरमध्ये प्रत्येक सेकंदाला दिसणारे कलरफूल नजारे, टोट्टल धम्माल- मस्ती, फुल्ल ऑन नाच- गाना एखाद्या सर्कसची उजवी बाजूच वाटत आहे. साधारण ३ मिनिट ३८ सेकंदाच्या या ट्रेलरमध्ये गोलगोल फिरणारा हा कॉमेडी सर्कस ड्रामा आहे. चित्रपटातील ‘मैं नाचा तोह सबको करंट लगा रे’ या गाण्याची तर लोक आतुरतेने वाट पाहत आहेत.
पूर्ण ट्रेलर पाहिला तर हा चित्रपट करंट मॅनची गोष्ट सांगताना दिसेल. होय. रोहित शेट्टीच्या ‘सर्कस’मध्ये इलेक्ट्रिक मॅन बनून रणवीरने कमालीचं काम करीत प्रेक्षकांचं बरोबर लक्ष वेधून घेतलं आहे. या चित्रपटात त्याचा इलेक्ट्रिफाइंग परफॉर्मन्स पहायला मिळणार आहे. सर्कसच्या माध्यमातून रणवीर मोठ्या पडद्यावर आपल्याला सर्कसमध्ये घेऊन जाणार आहे.
मुख्य म्हणजे या सिनेमात आपल्याला दोन रणवीर भेटायला येत आहेत. कारण यामध्ये रणवीर सिंगचा डबल रोल आहे. तूर्तास या ट्रेलरमध्ये असलेलं कॉमेडीचं अचूक टायमिंग आणि हास्यवीरांचे मजेदार पंचेस तुम्ही एन्जॉय करू शकता. हा चित्रपट २३ डिसेंबर रोजी प्रदर्शित होणार आहे.
Discussion about this post