हॅलो बॉलिवूड ऑनलाईन। ‘झगामगा मला बगा….’ अशा ठसकेबाज आणि लक्षवेधी डायलॉग्सने शेवंता आधीच प्रेक्षकांच्या मनात वसली आहे. हि शेवंता कोण..? तर हि शेवंता म्हणजे शेवंता तांडेल.. द ‘फुलराणी’. ज्या ‘फुलराणी’ची चर्चा गेल्या वर्षभरापासून चालू आहे तीच हि. आता फुलराणीच्या भेटीनंतर चित्रपटाचा ट्रेलर प्रदर्शित झाला आहे. ज्यावर प्रेक्षक प्रेमाचा वर्षाव करताना दिसत आहेत. ‘महाराष्ट्राची हास्यजत्रा’ फेम प्रियदर्शनी इंदलकर ‘फुलराणी’मध्ये मुख्य भूमिका साकारत असून तिची बोली आणि अंदाज प्रेक्षकांनी डोक्यावर उचलून घेतला आहे.
या चित्रपटाच्या ट्रेलरची सुरुवात एका ब्युटी कॉन्टेस्टपासून होते. जिथे सुबोधचा संवाद सुरु होते. शत्रुत्वाची ठिणगी इथे वणवा होते आणि चॅलेंज म्हणून समोर शेवंता तांडेल उभी राहते. आता ब्युटी कॉन्टेस्टमध्ये सहभागी व्हायचं आणि जिंकायचं हि बाब शेवताच्या डोक्यावरून जाणारी असली तरी तिची जिद्द कमालीची आहे, त्यामुळे हे विजेतेपद मिळवायला शेवंताची होणारी धडपड या चित्रपटात आपल्याला पहायला मिळेल. मुख्य म्हणजे या चित्रपटातून प्रियदर्शनी एका अतिशय वेगळ्या आणि हटके भूमिकेत दिसते आहे.
या ट्रेलरमध्ये जितकी लक्षवेधी प्रियदर्शनीची झलक आहे तितकीच आकर्षक सुबोध भावाची स्टाईल आहे. विशेष म्हणजे या ट्रेलरमध्ये दिवंगत ज्येष्ठ अभिनेते विक्रम गोखले यांचीही अत्यंत महत्वपूर्ण भूमिका आहे. त्यामुळे ट्रेलरमध्ये त्यांची एक झलक पहायला मिळत आहे. चित्रपटात सुबोध भावे ‘विक्रम’ ही भूमिका साकारत आहे.
तर सुशांत शेलार Page 3 च्या प्रत्येक बातमीचे Reporting करणारा कुशल अणि हुशार पत्रकार ‘सौरभ’ हि भूमिका साकारत आहे. दोघांमधली टशन ट्रेलरची रंगत आणखीच वाढवत आहे. सोशल मीडियावर सध्या ‘फुलराणी’चा ट्रेलर तुफान व्हायरल होत आहे. ‘फुलराणी’ हा चित्रपट येत्या २२ मार्च २०२३ रोजी सर्वत्र चित्रपटगृहात प्रदर्शित होणार आहे.
Discussion about this post