हॅलो बॉलिवूड ऑनलाईन। भयावह वाडा… आणि त्या वाड्याबाहेर तुळशी वृंदावन… जवळपासच्या झाडाला लटकवलेल्या काळ्या बाहुल्या… आजुबाजुचे रहस्यमय वातावरण आणि एक अळवत…. काय…? विचारात पडलात ना, हा कोणता देखावा आहे..? तर हा थरारक देखावा उभारण्यात आला होता, ‘अथांग’च्या भव्यदिव्य ट्रेलर लाँचसाठी. होय नुकताच जयंत पवार दिग्दर्शित ‘अथांग’ या वेबसीरिजचा ट्रेलर लाँच सोहळा पार पडला. यासाठी अनेक कलाकार, मान्यवर आणि यानिमित्त राज ठाकरे उपस्थित होते.
या कलाकृतीचा ट्रेलर अंगावर काटा आणणारा आहे. यामध्ये एक असा रहस्यमयी वाडा आहे जो बरीच गुपित साठवून बसला आहे. हि गुपित उलघडणार कि आपणसुद्धा या गुपितांमध्ये अडकणार हे ‘अथांग’ पाहिल्यावरच कळेल. या ट्रेलरमध्ये निसर्गयरम्य कोकण, तिथला रहस्यमय वाडा आणि त्या वाड्यात दडलेली अनेक गुपितं आणि यात आणखी उत्कंठा वाढवणारा शेवटचा प्रश्न. ट्रेलरच्या शेवटी एक लहान मुलगा, ‘आई अळवत म्हणजे काय? असा प्रश्न विचारतो. आता सरदेशमुखांच्या कुटुंबाचा आणि त्या अळवतीचा काय संबंध, हे ‘अथांग’ पाहिल्यावरच उलगडेल. थरार, रहस्याने भरलेली ही सहा भागांची वेबसीरिज येत्या २५ नोव्हेंबर २०२२ रोजी प्लॅनेट मराठी ओटीटीवर प्रदर्शित होणार आहे.
प्लॅनेट मराठी, क्रिएटिव्ह वाईब प्रॉडक्शन निर्मित या वेबसीरिजमध्ये संदीप खरे, निवेदिता जोशी सराफ, भाग्यश्री मिलिंद, उर्मिला कोठारे, ऋतुजा बागवे, दीपक कदम, ओमप्रकाश शिंदे, केतकी नारायण, शशांक शेंडे, योगिनी चोक, रसिका वखारकर आणि धैर्य घोलप यांच्या प्रमुख भूमिका आहेत. अक्षय बर्दापूरकर प्रस्तुत ‘अथांग’चे तेजस्विनी पंडित, संतोष खेर हे निर्माते आहेत.
Discussion about this post