हॅलो बॉलिवूड ऑनलाईन। मराठी चित्रपट बॉईज, बॉईज २ च्या भरघोष यशानंतर चित्रपट निर्मात्यांनी बॉईज ३ ची निर्मिती केली. अलीकडे १६ सप्टेंबर २०२२ रोजी हा चित्रपट थिएटरमध्ये रिलीज झाला आणि या चित्रपटाने धुमशान घातलं. बॉक्स ऑफिसवर सगळीकडे नुसता आणि नुसता बॉईज ३ चा कल्ला सुरु आहे. ढुंग्या, धैर्या आणि कबीरच्या त्रिकुटाने पुन्हा एकदा प्रेक्षकांचं मन जिंकलंच. अशावेळी या चित्रपटातील खलनायकाची भूमिका साकारणाऱ्या कॉमेडी किंग ओंकार भोजने याने एक किस्सा शेअर केला आहे. ज्यामध्ये तो सांगतोय कि नरु म्हणजेच ओंकार साकारत असलेलेही भूमिका आणि कबीर यांच्यातील एका फायटिंग सीनमध्ये चुकून सुमंतला खरीखुरी फाईट लागली होती.
त्याच झालं असं कि, ‘बॉईज ३’ या चित्रपटात एक असा सिन आहे जिथे ढुंग्या, धैर्या आणि कबीर यांना वाटेतच नरु भेटतो. दरम्यान या भेटीत त्यांच्यात बाचाबाची होते आणि मग फाईट. तर हा शॉट देताना सगळेच जोमात होता. या नादात नरुने म्हणजेच अभिनेता ओंकार भोजनेने कबीरला म्हणजेच अभिनेता सुमंत शिंदेला नाकावर फाईट दिली. हि फाईट इतकी जबरदस्त होती कि सुमंतच्या नाकातून रक्त येऊ लागलं. वाईट बाब म्हणजे हे रक्त काही केल्या थांबायचं नाव घेईना. कुणी टिशूने त्याचं नाक पुसत होत. तर कुणी बर्फ हातात घेऊन उभं होत.
यावेळी सेटवरील वातावरण अतिशय गंभीर झालं होत, असं ओंकारने सांगितलं. मुळात चित्रपट इतका कॉमेडी आहे पण या एका सीनच्या शूटमुळे सगळं वातावरण थंड आणि सुन्न झालं होत. अगदी ‘एकच फाईट वातावरण टाईट’ हे वाक्य तंतोतंत या प्रसंगाला शोभत आहे. हा प्रसंग थोडा बिकट होता पण शो मस्ट गो ऑन म्हणत सुमंत आणि ओंकारने पुन्हा हा शॉट दिला. यानंतर हा शॉट परफेक्ट झाला आणि आता तर काय बॉईजची गाडीपण परफेक्टच धावते आहे. या चित्रपटात यंदा अभिनेत्री विदुला चौघुलेची जबरदस्त एंट्री झाली आहे आणि तिची भूमिका देखील प्रेक्षकांना भावली आहे.
Discussion about this post