हॅलो बॉलिवूड ऑनलाईन। मराठी आणि बॉलिवूड अशा दोन्ही इंडस्ट्रीमध्ये आपली अशी वेगळी जागा निर्माण करणारा अभिनेता वैभव तत्त्ववादी अनेक तरुणींचा लाडका आहे. त्याने आजपर्यंत काही मालिका, मराठी चित्रपट तसेच हिंदी सिनेमे करीत प्रेक्षकांचे मन जिंकले आहे. त्याचाही स्वतःचा असा वेगळा भव्य चाहता वर्ग आहे. अशा या स्वकर्तृत्वावर मोठ्या होणाऱ्या लाडक्या अभिनेत्याचा आज ३४ वा वाढदिवस आहे. यानिमित्त सोशल मिडीयाच्या माध्यामातून तयाचयावर शुभेच्छांचा वर्षाव होतो आहे. दरम्यान अभिनेत्री पूजा सावंतने त्याच्यासाठी एक खास पोस्ट शेअर केली आहे. जी चांगलीच चर्चेत आली आहे.
मराठी अभिनेत्री पूजा सावंत हिने अधिकृत सोशल मीडिया इंस्टाग्राम हँडलवर हि पोस्ट शेअर केली आहे. यामध्ये पूजाने वैभव सोबतचे काही फोटो शेअर केले आहेत. त्यासोबत एक खास कॅप्शन दिले आहे. यात तिने लिहिलंय कि, ‘हॅप्पी बर्थ डे तत्ववादी.. तू असा मित्र आहेस की जो अत्यंत त्रासदायक आहे. पण केवळ तू त्रासदायक नाही तर मरेपर्यंत हसवणारा आहेस.’ पूजाच्या या बर्थडे स्पेशल पोस्टवर अनेकांनी विविध प्रतिक्रिया दिल्या आहेत. यामध्ये बर्थडे बॉय वैभवनेदेखील कमेंट केली आहे. यात त्याने लिहिले आहे कि, खूप खूप धन्यवाद.. लवकरच भेटू.’ पूजा आणि वैभव यांची मैत्री अत्यंत खास आहे. अनेकदा ते एकमेकांसोबत वेळ घालवणे पसंत करतात.
अभिनेता वैभव तत्त्ववादीच्या वर्क फ्रन्टबद्दल बोलायचं झालं तर, तो ‘बाजीराव मस्तानी’, ‘कॉफी आणि बरच काही’, ‘पॉन्डीचेरी’ आणि अशा अनेक चित्रपट तसेच मालिकांमधून प्रेक्षकांच्या भेटीला आला आहे. शिवाय काही शॉर्ट फिल्म्स आणि वेब सीरिजमध्येदेखील त्याने आपल्या अभिनयाची छाप सोडली आहे. शिवाय अभिनेत्री पूजा सावंतच्या वर्कफ्रंटबद्दल सांगायचं झालं तर, ही मराठीतील नावाजलेली आघाडीची अभिनेत्री आहे. नुकताच तिचा ‘दगडी चाळ २’ हा चित्रपट बॉक्स ऑफिसवर गाजला.
Discussion about this post