हॅलो बॉलिवूड ऑनलाईन। मराठी अभिनेत्री प्राजक्ता माळी हिची अलिकडेच प्रदर्शित झालेली ‘रानबाजार’ ही ‘वेब सीरिज’ चांगलीच चर्चेत राहिली आहे आणि लोकप्रिय देखील ठरली आहे. यानंतर आता लवकरच ती अजित वाडीकर दिग्दर्शित ‘वाय’ या चित्रपटातून प्रेक्षकांच्या भेटीला येतेय. या चित्रपटात प्राजक्तासोबत अभिनेत्री मुक्ता बर्वे मुख्य भूमिकेत दिसणार आहे. यामध्ये मुक्ता एका शासकीय अधिकाऱ्याच्या भूमिकेत असून ती काही धक्कादायक गोष्टींना सामोरी जातेय. दर महिन्याच्या अखेरच्या शुक्रवारी काही विचित्र घटना घडतात. यामागे काही दृश्य आणि अदृश्य हात आहेत. ज्यातील काही मदत करतात तर काही घात. असा हा थ्रिलर चित्रपट करण्याची प्राजक्ताची हि अनोखी संधी आहे. शिवाय यात ती आदर्श मनात असलेल्या मुक्तासोबत काम करतेय याचा आनंद काही औरच! हा आनंद तिने सोशल मीडियावर पोस्ट शेअर करीत व्यक्त केलाय.
मराठी अभिनेत्री प्राजक्ता माळी हिने अभिनेत्री मुक्ता बर्वेसाठी शेअर केलेली हि पोस्ट अधिकृत सोशल मीडिया इंस्टाग्राम हँडलवर शेअर केली आहे. हि एक खास पोस्ट आहे. या पोस्टसोबत तिने मुक्तासोबतचा वाय चित्रपटाच्या प्रमोशन वेळीचा एक सुंदर फोटो शेअर केलाय. आपल्या या पोस्टमध्ये प्राजक्ता माळीने मुक्ताला मुक्ता ताई असे संबोधले आहे. यात तिने फोटोसोबत कॅप्शन दिल आहे कि, “मुक्ता ताई, तुझ्याबरोबर काम करण्याची त्यानिमित्ताने तुझ्याबरोबर वेळ घालवण्याची संधी ‘वाय’ चित्रपटामुळे मिळाली. हे माझ्यासाठी खूपच खास आहे. जेव्हा तुम्ही तुमचा आदर्श असलेल्या व्यक्तीसोबत काम करत असता तेव्हा त्यापेक्षा उत्तम काही असूच शकत नाही.”
प्राजक्ताची हि पोस्ट सोशल मीडियावर चांगलीच चर्चेत आली आहे. तिच्या या पोस्टवर अभिनेत्री मुक्ता बर्वे हिनेही आपली प्रतिक्रिया दिली आहे. कमेंट बॉक्समध्ये कमेंट करीत तिने आपलाही अनुभव चांगला असल्याचे म्हटले आहे. तिने कमेंटमध्ये लिहिलंय कि, मलाही खूप मजा आली आणि छान वाटलं तुझ्याबरोबर काम करताना. ‘वाय’ या चित्रपटात मुक्ता बर्वे आणि प्राजक्ता माळी यांच्यासह नंदू माधव, ओमकार गोवर्धन, रसिका चव्हाण, सुहास शिरसाट, संदीप पाठक असे अनेक नामवंत कलाकार आणि त्यांच्यासह रोहित कोकाटे, संदीप दंडवते, प्रदीप भोसले हे कलाकार देखील महत्त्वपूर्ण भूमिकेत दिसत आहेत. मराठीतील हा एक मल्टी-स्टारर चित्रपट असून मन हेलावून टाकणारा असा हा चित्रपट आहे.
Discussion about this post