हॅलो बॉलिवूड ऑनलाईन। मराठी मनोरंजन सृष्टीतील हसरी अभिनेत्री प्रार्थना बेहरे लाखो तरुणांच्या हृदयाची राणी आहे. तिचा चाहता वर्ग फार मोठा आहे. सध्या प्रार्थना झी मराठीच्या ‘माझी तुझी रेशीमगाठ’ या मालिकेत अभिनेता श्रेयस तळपदेसोबत छोटा पडदा गाजवते आहे. या मालिकेतील तिची नेहा हि भूमिका प्रेक्षकांना प्रचंड भावते आहे. अशातच सोशल मीडियावर प्रचंड सक्रिय असणाऱ्या प्रार्थनाने एक व्हिडीओ शेअर केला आहे. ज्यामध्ये तिचा मादक अंदाज पाहून तिचे चाहते क्षणभर डोळ्यांवर विश्वास ठेऊ शकलेले नाहीत. यामुळे प्रार्थनाला ट्रोलिंगचा सामना करावा लागतो आहे.
सुंदर, सालस, निरागस अशी ओळख असलेली प्रार्थना अचानक बोल्ड अंदाजात दिसून आल्यामुळे तिचे चाहते हडबडले. अनेकांनी आपल्या डोळ्यांवर विश्वास बसत नसल्याचे म्हटले आहे. या व्हिडिओतील प्रार्थनाचे तसले हावभाव पाहून नेटकऱ्यांनी तिला चांगलेच सुनावले आहे. काहींनी प्रार्थना असे काही करु शकते.. बरं केलं तर सोशल मीडियावर शेअर करेल अशी काही अपेक्षा नसल्याचे म्हटले आहे. या व्हिडीओमध्ये प्रार्थनाने ब्लु रंगाचा स्ट्रीप स्लीव्ह लॉन्ग ड्रेस परिधान केला आहे आणि केस मोकळे सोडले आहेत. तिच्या चेहऱ्यावरील हावभावांबद्दल बोलायचे झाले तर याआधी इतके बोल्ड हावभाव तिने कधीच दिले नव्हते. काहींना तिचा हा अंदाज आवडला आहे. पण काहींनी अगदी पातळी सोडून तिला ट्रोल केलं आहे.
प्रार्थनाची इंस्टा प्रोफाइल पाहिली तर गेल्या काही दिवसांपासून ती शेअर करत असलेल्या जवळपास सर्व व्हिडीओ अशाच आहेत. अलीकडेच तिने दीपिकाच्या वादग्रस्त बेशरम रंग गाण्यावरही व्हिडीओ शेअर केला होता. तेव्हाही प्रार्थना ट्रोल झाली होती. यानंतर आज पुन्हा प्रार्थना या नव्या व्हिडीओमुळे शेअर होत आहे. या व्हिडिओवर काही नेटकऱ्यानी तिला ‘तुला नेमकं काय झालंय..? पोटात मळमळते आहे का..? मच्छर लावलाय का.? असे प्रश्न विचारले आहेत.
इतकेच काय तर एकाने तिच्या आणि तिच्या पतीच्या वैयक्तिक नात्यावर देखील अश्लील भाषेत टिप्पणी केली आहे. काहींनी प्रार्थनाला ‘तू कामसूत्र काँडमची जाहिरात करते आहेस का? असाही प्रश्न विचारला आहे. एकीकडे तिच्या भूमिकांवर प्रेम करणारे चाहते आज तिला एका व्हिडीओमुळे अगदी खालच्या पातळीतील भाषेत ट्रोल करताना दिसत आहेत. हे कलाकारांचे दुर्दैव म्हणावे लागेल.
Discussion about this post