हॅलो बॉलिवूड ऑनलाईन। मराठी सिनेसृष्टीतील आघाडीची अभिनेत्री आणि सध्या झी मराठीच्या मालिकेतून प्रेक्षकांना भुरळ घालणारी नेहा अर्थातच अभिनेत्री प्रार्थना बेहरे सोशल मीडियावर चांगलीच सक्रिय असते. ती नेहमीच स्वतःचे विविध फोटोशूट, व्हिडीओ आणि रिल्स शेअर करत असते. अनेकदा सेटवरील धमाल मस्तीदेखील ती सोशल मीडियावर चाहत्यांसह शेअर करते. नुकतेच तिने सोशल मीडियावर तिचे नवेकोरे लक्षवेधी फोटोशूट शेअर केले आहे. या फोटोमध्ये प्रार्थना नेहमीपेक्षा हटके आणि बोल्ड दिसतेय. त्यामुळे या फोटोंवर चाहत्यांनी कमेंट्सचा पाऊस पाडला आहे.
मराठी अभिनेत्री प्रार्थना बेहरे हिने हे फोटोशूट आपल्या अधिकृत सोशल मीडिया इंस्टाग्राम हॅण्डलवरून शेअर केले आहे. या फोटोंमध्ये प्रार्थनाने डिझायनर डीप नेक गाऊन परिधान केला आहे. ज्याचा रंग अतिशय आकर्षक आहे. या फोटोमध्ये प्रार्थनाचे मोकळे केस, डोळ्यात काजळ, आय लायनर सगळं कसं एकदम परफेक्ट आहे. तिने हे फोटो अगदी दोन तासांपूर्वीच शेअर केले आहेत. पण चाहत्यांना इतकाही वेळ पुरेसा आहे बरं का. या दोन तासांतच प्रार्थनाच्या या फोटोशूटने दहा हजाराहून अधिक लाईक्स कमावले आहेत.
प्रार्थनाने फोटोंसोबत एक व्हिडिओही शेअर केला आहे. ज्याच्या बॅकग्राउंडला प्यार तेरा, प्यार मुझे खींचे तेरी ओर हे हिंदी गाणे वाजत आहे. शिवाय तिने कॅप्शनमध्येही या गाण्याचे हेच बोल लिहिले आहेत. प्रार्थनाचे हे फोटो पाहून कुणीही वाव, ब्युटीफुल, स्टनिंग अशा शब्दांचा प्रयोग करेल यात काही वादच नाही.
पण चर्चेत येईल अशी एक कमेंट एका नेटकऱ्याने केली आहे. या नेटकऱ्याने लिहिलंय, काय ती प्रार्थना, काय तिची स्माईल, काय तिची स्टाईल.. एकदम ओक्केच. याशिवाय आणखी अनेक नेटकऱ्यांनी विविध प्रतिक्रिया दिल्या आहेत. ज्या एकदम ओक्केच आहेत.
Discussion about this post