हॅलो बॉलिवूड ऑनलाईन। बिग बॉस सीजन १३ मधून प्रकाश झोतात आलेली पंजाबी गायिका आणि अभिनेत्री शहनाज गिल गेल्या काही काळापासून चांगलीच चर्चेत आली आहे. बिग ट्रान्सफॉर्ममेशन ते सलमान खानच्या ‘किसी का भाई किसी की जान’ या चित्रपटात डेब्यू अशा विविध गोष्टींमुळे शहनाज चर्चेचा विषय ठरते आहे. अलीकडेच या चित्रपटाचा ट्रेलर लाँच झाला आणि यावेळी चित्रपटाची संपूर्ण टीम एकत्र दिसली. दरम्यान शहनाज गिल आणि प्रसिद्ध डान्सर, अभिनेता राघव जुयाल यांचा एक व्हिडिओ सोशल मीडियावर व्हायरल होऊ लागला आहे. या व्हिडिओतील त्यांची केमिस्ट्री पाहून नेटकऱ्यांमध्ये विविध गॉसिप सुरु झाले आहेत.
सोशल मीडियावर राघव जुयाल आणि शहनाज गिल यांचा हा व्हिडीओ तुफान व्हायरल होत आहे. या व्हिडिओमध्ये, शहनाज गिल आणि राघव जुयाल एकत्र नाचताना दिसत आहेत. सलमानच्या फॉल इन लव्ह या गाण्यावर ते थिरकताना दिसत आहेत. याशिवाय अभिनेता सिद्धार्थ निगमदेखील या व्हिडिओमध्ये डान्स करताना दिसत आहे. अशा तिघांच्याही या व्हिडिओवर चाहते विविध प्रतिक्रिया देत आहेत. लॉन्च सोहळ्यादरम्यान सलमान खानने शहनाजला मूव्ह ऑन करण्याचा सल्ला दिल्याची बाब चांगलीच चर्चेत राहिली. यानंतर हा व्हिडीओ पाहून नेटकरी शहनाजला विचारताना दिसत आहेत कि, तू सलमानचा सल्ला घेऊन राघवसोबत मूव्ह ऑन करतेयस का..?’
या व्हिडीओवर अनेक नेटकरी विविध कमेंट्स करताना दिसत आहेत. कुणी शहनाज आनंदी दिसतेय म्हणून खुश होतंय. तर कुणी तीच नाव अन्य अभिनेत्यांसोबत जोडण्यात व्यस्त आहे. ‘बिग बॉस १३’मध्ये शहनाज आणि दिवंगत अभिनेता सिद्धार्थ शुक्ला यांची केमिस्ट्री जुळली आणि त्यानंतर ते लग्न करणार असल्याचे बोलले गेले. मात्र सिद्धार्थच्या मृत्यूने शहनाजला मोठा धक्का दिला आणि त्यातून ती आता सावरताना दिसते आहे. याच धक्क्यातून सावरून पुढील विचार कर असे सलमान खान म्हणाला होता.
दरम्यान राघवसोबत शहनाजला पाहून काही नेटकऱ्यांनी भलताच सूर ओढला आहे. एकाने म्हटले कि, ‘काही कर पण राघवसोबत मूव्ह ऑन नको प्लिज’. तर शहनाजच्या चाहत्यांनी ट्रोलर्सला खडसावले आहे. एकाने म्हटले, ‘चुकीच्या गोष्टी पसरवू नका.. ते चांगले मित्र आहेत फक्त’. तर आणखी एकाने म्हटले आहे कि, ‘काय फालतूपणा लावला आहे.. मूव्ह ऑन कर.. मूव्ह ऑन कर.. आता जगून देऊ नका तिला’.
Discussion about this post