हॅलो बॉलिवूड ऑनलाईन। लेखक, दिग्दर्शक आणि अभिनेते प्रवीण विठ्ठल तरडे यांच्या बहुचर्चित ‘सरसेनापती हंबीरराव’ हा चित्रपट प्रदर्शित झाल्यापासून प्रेक्षकांनी डोक्यावर उचलून घेतलाय. चित्रपटातील रोखठोक संवाद, जबरदस्त अ‍ॅक्शन आणि हंबीरराव यांची निष्ठा यामुळे चित्रपटाचा एक वेगळाच दर्जा निर्माण झाला आहे. छत्रपती शिवाजी महाराज आणि छत्रपती संभाजी महाराज या दोन महान छत्रपतींच्या काळात स्वराज्याचे सरसेनापती होण्याचा बहुमान मिळवलेले एकमेव सरसेनापती हंबीरराव मोहिते यांच्या कथेने संपूर्ण महाराष्ट्र गाजवला आहे. या निमित्ताने प्रवीण तरडें यांची नुकतीच एक मुलाखत झाली. या मुलाखतीत त्यांनी आवर्जून राज ठाकरेंसोबत झालेल्या बैठकीविषयी सांगितले. इतकेच काय तर सरसेनापती हंबीरराव चित्रपटाचे राज ठाकरेंनी कौतुक केल्याचेही त्यांनी सांगितले.
एका वृत्त पत्राला दिलेल्या मुलाखतीत प्रवीण तरडे यांना पत्रकाराने प्रश्न विचारला होता की “एक दिग्दर्शक आणि अभिनेत्याची राजकारणातील चित्रपट प्रेमी म्हणजे राज ठाकरे यांनी भेट घेतली होती. यावेळी महाराष्ट्राच्या आणि भारतीय सिनेमाविषयी काय चर्चा झाली?” तर या प्रश्नावर उत्तर देताना दिग्दर्शक प्रवीण तरडे म्हणाले कि, “आम्ही दीड-दोन तास गप्पा मारत होतो आणि राज साहेब फक्त चित्रपटांविषयी बोलत होते. मराठी चित्रपट त्याची पुढची वाटचाल, टेक्नॉलॉजी, व्हिएफेक्स, भाषेचे अडथळे, सबटायटल्स यात मराठी चित्रपट कसा टिकणार?”
प्रवीण तरडेंनी सांगितले, राज साहेब पुढे म्हणाले कि, आंतरराष्ट्रीय स्तरावर आपल्या चित्रपटांनी कसं स्वत: चं स्थान मिळवलं पाहिजे. कारण रोज ते एक चित्रपट पाहून झोपतात. महाराष्ट्राला ही एक परंपरा आहे…मग शरद पवार साहेब असतील, राज साहेब असतील, स्वत: बाळासाहेब ठाकरे हे चित्रपटाचे भक्त होते म्हणून कलाकारांवर त्यांचं प्रेम होतं. त्यामुळे राज साहेबांच्या बोलण्यात चित्रपटाचे कॅमेरा अॅंगल, लेनसेल अॅक्सेस यावर बोलत होते. यावेळी हंबीररावबद्दल त्याच्या भव्यतेबद्दल चर्चा झाली कारण त्यांनी टिझर आणि ट्रेलरवर चर्चा झाली आणि त्यांनी कौतुक केलं म्हणाले मराठी चित्रपट जर या दर्जाला येत असेल तर याचं भविष्य आणि वाटचाल खूप चांगली आहे.”
Discussion about this post