हॅलो बॉलिवूड ऑनलाईन। राखी सावंत हे नाव सोशल मीडियावरील प्रचंड ट्रेंडिंग नावांपैकी एक नाव आहे. राखी सावंतला ओळखत नाही असे बोटावर मोजण्याइतकेच उरले असतील. पँपराझी तर राखी सावंतचे पहिले चाहते आहेत. कारण राखी सावंतचं पँपराझींशिवाय आणि पँपराझींचं राखी सावंतशिवाय पान हलत नाही. राखीच्या अतरंगी हरकती तिला सोशल मीडियावर प्रकाशझोतात आणतात. राखी नेहमीच सगळ्यांपेक्षा काहीतरी वेगळं करताना दिसते. नुकताच राखीचा एक व्हिडीओ सोशल मीडियावर व्हायरल झाला आहे. ज्यामध्ये राखी सेल्फी घेणाऱ्यांचे फोन घेऊन पळताना दिसतेय. पण त्यानंतर तिने जे केलं ते पाहून सगळेच खुश झाले आहेत..
राखीचा ड्रामा आणि तिच्या अतरंगी गोष्टी कधीच संपत नाहीत. कधी एअरपोर्टवर, कधी जिमबाहेर, कधी शॉपिंग करताना तर कधी इव्हेंटमध्ये राखी मीडियासोबत नेहमीच मस्ती करत असते. तिच्या बिंधास्त आणि मिश्किल अंदाजामुळे ती नेहमीच सगळ्यांच्या चेहऱ्यावर हसू आणताना दिसते. असाच एक हसू आणणारा राखीचा व्हिडीओ सोशल मीडियावर व्हायरल होतो आहे. यामध्ये राखी एका ठिकाणी चाहत्यांसोबत सेल्फी क्लिक करताना दिसते आहे. इतक्यात ती सेल्फी काढणाऱ्यांचे फोन घेऊन पळते गाडीत जाऊन बसते.
दरम्यान राखीच्या गाडीजवळ गेल्यावर तिचे चाहते त्यांचे फोन मागू लागतात तर राखी म्हणते, ‘मी देणार नाही. तुम्ही सेल्फी घेतला आहे का? तुम्ही सेल्फी काढलात आणि पुन्हा घेणार नाही का? कॅमेऱ्यासमोर पहा सॉरी म्हणा’. यानंतर ती एकाचा फोन परत करते. तर दुसऱ्या चाहत्याच्या फोनमध्ये त्याच्यासोबत स्वतःहून सेल्फी क्लिक घेते. मग आणखी दोन चाहत्यांच्या फोनमध्ये ती सेल्फी क्लिक करते. त्यानंतर बाय म्हणुन निघून जाते. राखीचा हा क्युटनेस पाहून नेटकरीसुद्धा खुश झाले आहेत. ‘खूप दिवसांनी तुला हसताना, मस्ती करताना पाहिलं.. चॅन वाटलं’, अशी कमेंट एका नेटकऱ्याने केली आहे.
Discussion about this post