हॅलो बॉलिवूड ऑनलाईन। बॉलिवूड सिनेसृष्टीची ड्रामाक्वीन अर्थात राखी सावंत सोशल मीडियावर चर्चेत येण्यासाठी कोणतंही कारण चालतं. तिचे नखरे, वक्तव्य, फोटो, व्हिडीओ, अतरंगी चाळे, वैयक्तिक आयुष्य असं कोणत्याही कारणामुळे राखी सावंतची चर्चा तर होतेच. त्यामुळे आजकाल अनेक लोक मुद्दाम चर्चेत येण्यासाठी राखी सावंतला कॉपी करू लागल्याचे सोशल मीडियावर दिसून आले आहे. त्यामुळे पॅपराझींची लाडकी राखी एका ठिकाणी स्पॉट होताच त्यांनी लगेच याविषयी तिचे मत विचारले. पाहूया काय म्हणालीये राखी..
त्याच काय आहे.. राखी सोशल मीडियावर फार सक्रिय असते. या माध्यमातून ती आपल्या चाहत्यांचे लक्ष वेधून घेताना दिसते. अलीकडेच तिने आपल्या चाहत्यांना शायरी ऐकवण्याचं मनावर घेतल्याचे दिसले. तिचे शायरीचे व्हिडीओ व्हायरल झाले. यानंतर तिचा आवाज वापरून अनेकांनी तिच्यासारखे व्हिडीओ बनवले. यावरून जेव्हा राखीला तिची कॉपी करणाऱ्यांबद्दल विचारलं तेव्हा तिने अगदी स्पष्ट भाष्य केले आहे. त्याचा हा व्हिडीओ आहे. जो सोशल मीडियावर व्हायरल होतो आहे.
या व्हिडिओमध्ये राखी सावंत मीडिया फोटोग्राफर्ससोबत गप्पा मारताना दिसत आहे. या वेळी तिला एकाने तिला विचारलं, ‘आजकाल अनेक जण तुमची कॉपी करतात आणि व्हिडीओ बनवतात. त्यांनाही राखी सावंत बनायचंय. ते पाहून तुला काय वाटतं?’ यावर राखी म्हणाली कि, ‘राखी सावंत तर एकच आहे. राखी सावंत ओरिजनल आहे, बाकी लोक तिची कॉपी करू शकतात. त्यांना ते करू दे. त्यांचं घर तर चालेल. पण पुढच्या सात जन्मांमध्ये कोणीही राखी सावंत बनू शकत नाही’. या व्हिडिओवर अनेक नेटकऱ्यांनी तिच्या वक्तव्याचे समर्थन केले आहे.
Discussion about this post