हॅलो बॉलिवूड ऑनलाईन। बॉलिवूड इंडस्ट्रीतील अतिशय सुंदर आणि क्युट अभिनेत्री म्हणजे आलिया भट्ट. लहान लहान वाटणारी आलिया कधी मोठी झाली तेच कळलं नाही. इतकंच काय तर यावर्षी लाडकी आलिया एका गोड बाळाची आईसुद्धा होणार आहे. हि गोड बातमी चाहत्यांना कळल्यापासून ते येणाऱ्या बाळाच्या आगमनासाठी फारच उत्सुक आहेत. सध्या अभिनेत्री आलिया आपल्या ब्रह्मास्त्र चित्रपटाच्या प्रमोशनमध्ये अनेकदा व्यस्त दिसली. त्यामुळे अनेकांनी तिच्या आणि बाळाच्या तब्येतीविषयी चिंता दाखवली. यानंतर अखेर आता आलिया एका मोठ्या सुट्टीचा विचार करते आहे. दरम्यानचा एक फोटो तिने शेअर केला आहे. जो प्रचंड चर्चेत आहे.
बॉलिवूड अभिनेत्री आलिया भट्ट आणि तिचा पती अभिनेता रणबीर कपूर एकदाचे बेबीमूनसाठी रावण झाले आहेत. सध्या आलियाने तिचा बेबीमूनमधील पहिला फोटो शेअर केला आहे. खूप काम केल्यानंतर आता आईपण अनुभवायला आलिया पूर्ण सज्ज आहे. त्यामुळे नुकतीच आलिया पती रणबीरसोबत बेबीमून एन्जॉय करते आहे. हे जोडपे बेबीमूनसाठी इटली येथे रवाना झाले असून आलियाने पहिला सेल्फी शेअर केलाय. या फोटोमध्ये आलियाच्या चेहऱ्यावर प्रेग्नेंसी ग्लो अतिशय स्पष्ट दिसत आहे. या फोटोत रणबीर नसला तरीही आता आगामी फोटोंची प्रतीक्षा आहे.
बेबीमून म्हणजे बाळ होण्याआधी आई आणि वडील एकमेकांसोबत काही खास क्षण घालवतात. दरम्यान येणाऱ्या बाळाविषयीचे प्लॅनिंग या सुट्टीत केले जातात. सध्या हा फोटो आलिया रणबीरच्या बेबीमून सुट्ट्यांमधील पहिले अपडेट आहे. विना मेकअप आलियाने हा फोटो शेअर करत लिहिलेय कि, ‘या सूर्यप्रकाशासाठी मी कायमची ऋणी राहीन. तुमच्या सर्वांच्या प्रेमाबद्दल धन्यवाद.’
यावर आलियाची सासू नीतू कपूर यांनी, ‘माझी सुंदरी’ अशी कमेंट केली आहे. तर आलियाची आई सोनी राजदान यांनी, ‘हा एक सुंदर सूर्यप्रकाशाचा फोटो आहे’ असे म्हटले आहे. तसेच अभिनेत्री सोनम कपूरने लिहिले आहे कि, ‘मी माझ्या बेबीमूनला इथेच गेली होती. हे खूप छान आहे. मजा करा.’ मुख्य म्हणजे सोनम कपूरही लवकरच आई होणार आहे आणि तिनेही बेबीमूनचे फोटो शेअर केले होते.
Discussion about this post