हॅलो बॉलिवूड ऑनलाईन। मराठी तसेच बॉलिवूड सिनेविश्वातील अत्यंत लोकप्रिय जोडी म्हणजेच अभिनेता रितेश देशमुख आणि अभिनेत्री जीनिलीया डिसोजा देशमुख. या दोघांच्या ‘वेड’ चित्रपटाने तर अख्ख्या महाराष्ट्राला वेड लावलं आहे. हा चित्रपट अजूनही बॉक्स ऑफिसवर कमाई करत असून भारतात तब्बल ६०.६७ कोटींचा गल्ला या चित्रपटाने आधीच केला आहे. या जोडीने प्रेक्षकांच्या मनावर अशी काही छाप सोडली आहे कि बस्स! अशा या लाडक्या जोडप्याचा एक रोमँटिक व्हिडीओ सोशल मीडियावर व्हायरल होत आहे. सध्या रितेश आपल्या पत्नीसह न्यूयॉर्क दौऱ्यावर गेला आहे आणि हा व्हिडीओ तिथलाच आहे.
अभिनेता रितेइश देशमुखने त्याच्या अधिकृत सोशल मीडिया हँडलवर हा व्हिडिओ शेअर केला आहे. या व्हिडिओत रितेश आणि जिनिलिया दोघे न्यू यॉर्कला गेल्याचे दिसत आहे. न्यू यॉर्कमध्ये ओपन बसमध्ये ते प्रवास करताण दिसत आहेत आणि सोबतच एकमेकांच्या कवेत दिसत आहेत. या व्हिडिओला रितेशने कॅप्शन दिलं आहे कि, ‘London नहीं New York ही सही !!! खुली Bus पे… ये गाना तो बनता है!’ रितेश- जीनिलीयाने ‘दिलवाले दुल्हनिया ले जायेंगे’ या सिनेमातील ‘हो गया है तुझको तो प्यार सजना’ या गाण्यावर हा रोमँटिक व्हिडीओ बनवला आहे.
रितेश- जिनिलीया याचा हा रोमँटिक व्हिडीओ सोशल मीडियावर चांगलाच व्हायरल होत आहे. त्यांचे चाहते या व्हिडिओवर विविध कमेंट करताना दिसत आहेत. मुख्य म्हणजे रितेश आणि जिनिलीया दोघांनाही फिरण्याची प्रचंड आवड आहे. शिवाय दोघेही सोशल मीडियावर चांगलेच सक्रिय असतात. यामुळे विविध व्हिडीओ, फोटो शेअर करून ते चाहत्यांचे सर्रास लक्ष वेधून घेत असतात. त्यांचे अनेक कॉमिक रिल्स सोशल मीडियावर व्हायरल होताना दिसतात. यानंतर आता हा रोमँटिक व्हिडीओ देखील नेटकऱ्यांचे लक्ष वेधून घेत व्हायरल होताना दिसत आहे.
Discussion about this post