हॅलो बॉलिवूड ऑनलाईन। मराठी मालिका विश्वात अनेक मालिका सध्या टीआरपीच्या घोडदौडीत बेलगाम धावत आहेत. यांपैकी एक म्हणजे लोकप्रिय झी मराठी वाहिनीवरील मालिका ‘माझी तुझी रेशीमगाठ’. या मालिकेत अनेक ट्विस्ट आले, अनेक चढ उतार आले पण अखेर यश आणि नेहा यांचं लग्न झालं आणि परीच्या नात्यासह चौधरी कुटुंबात आनंद सामावला. यानंतर पुढे बरंच काही घडलं. सध्या पावसाचा मौसम आहे आणि प्रेक्षकांचे हे लाडके जोडपे त्यात चिंब न्हाहून गेले आहेत. हा खास रोमँटिक भाग तुम्हाला लवकरच पहायला मिळेल. याआधी प्रार्थनाने हा व्हिडीओ सोशल मीडियावर शेअर केलाय.
अभिनेत्री प्रार्थना बेहरे आणि अभिनेता श्रेयस तळपदे यांची हि जोडी माझी तुझी रेशीमगाठ मालिकेतून छोट्या पडद्यावर दिसत आहे. या जोडीने प्रेक्षकांना प्रचंड मोहून टाकले आहे. नेहा आणि यश प्रत्येकालाच घरातले एक वाटू लागले आहेत. त्यामुळे त्यांचं भांडण जरी झालं तरी प्रेक्षकांना वाईट वाटत. अलीकडच्या काही भागांमध्ये नेहा आणि यशामध्ये उडालेले खटके त्यांच्या नात्यात बाधा आणतील का काय असे वाटत होते. पण तो पाऊस असतो ना.. तो कोणतं भांडण टिकूच देत नाही. तसंच झालं यश आणि नेहाचं सुद्धा.. या मालिकेतील हे गोड क्षण नेहाने अर्थात प्रार्थनाने इंस्टावर शेअर केले आहेत. या व्हिडिओमागे हिंदी सिनेसृष्टीतील अत्यंत लोकप्रिय गाणे ‘सावन बरसे तरसे दिल’ हे ऐकू येत आहे.
या व्हिडिओमध्ये चालू शूटदरम्यान झालेल्या छोट्या मोठ्या गोष्टी, मजा आणि मुख्य म्हणजे नेहा- यशची प्यारवाली केमिस्ट्री दिसत आहे. याशिवाय व्हिडिओमध्ये यश आणि नेहा एकाच सायकलवर कसे बसे थोडे भिजत थोडे अडखळत राईड करताना दिसत आहेत. यातील प्रत्येक क्षण फार बारकाईने डिझाईन करण्यात आला असून प्रेक्षकही या भागाचा आनंद घेतील याची दिग्दर्शकांना खात्री आहे. तूर्तास हि एक झलक सुद्धा बरंच काही बोलून आणि सांगून जाते आहे.. हेच खास आहे.
Discussion about this post