हॅलो बॉलिवूड ऑनलाईन। मराठी सिनेइंडस्ट्रीतील लोकप्रिय अभिनेत्री सई ताम्हणकर नेहमीच चर्चेत असते. याचे कारण तिचा बोल्ड अंदाज, परखड स्वभाव, गोड स्माईल आणि हटके अदा. शिवाय मराठमोळा कॉमिक शो महाराष्ट्राची हास्यजत्रा’च्या माध्यमातून परीक्षकाच्या भूमिकेत सई नेहमीच प्रेक्षकांना भेटायला येत असते. सई बद्दल बोलू तेव्हढं कमीच. कारण सई फक्त मराठी सिनेइंडस्ट्रीपुरता मर्यादित राहिलेली नाही तर तिने बॉलिवूडमध्येही आपली जागा निर्माण केली आहे. ‘मिमी’ चित्रपटात क्रिती सॅननसोबत स्क्रीन शेअर केल्यानंतर आता ती लवकरच अभिनेता इम्रान हाश्मीसोबत रोमँटिक भूमिका करताना दिसणार आहे.
अभिनेत्री सई ताम्हणकरने ‘मिमी’ या हिंदी चित्रपटात साकारलेल्या भूमिकेसाठी सर्वोत्कृष्ट सहाय्यक अभिनेत्रीचा ‘फिल्म फेअर’ पुरस्कार पटकावला आहे. यामुळे बॉलिवूडसाठी सई काही आता नवी नाही. कारण सईची जादू आधीच बॉलिवूडवर चालली आहे. यानंतर आता मात्र ती मोठी झेप घेताना दिसणार आहे. आपल्या बोल्ड अंदाजासाठी मराठी सिनेइंडस्ट्रीत ती नेहमीच चर्चेत राहिली आहे. पण आता ती बॉलिवूडच्या बहुचर्चित आणि सिरियल किसर म्हणून ओळखल्या जाणाऱ्या इम्रान हाश्मी सोबत झळकणार आहे. त्यामुळे तिच्या चाहत्यांची अधीरता फारच वाढली आहे.
मिळालेल्या माहितीनुसार, मराठी अभिनेत्री सई लवकरच एका हिंदी चित्रपटात एक वेगळीच भूमिका साकारताना दिसणार आहे. या चित्रपटात सई आणि इम्रान हाश्मी हे दोघे एकमेकांसोबत स्क्रीन शेअर करणार आहेत. त्यामुळे सई पुन्हा एकदा बॉलिवूडमध्ये डंका गाजवायला सज्ज झाली आहे. या चित्रपटाचे नाव ‘ग्राउंड झिरो’ असे आहे आणि याचे चित्रीकरण काश्मीरमधील काही लोकेशन्सवर सुरु झाले आहे. हा चित्रपट एक मिलिटरी ड्रामा आहे. या चित्रपटात इम्रान हाश्मी एका लष्कर अधिकाऱ्याच्या भूमिकेत दिसणार आहे. तर सई इम्रान हाश्मीच्या पत्नीच्या भूमिकेत दिसणार आहे.
Discussion about this post