हॅलो बॉलिवूड ऑनलाईन। मराठी अभिनेता, लेखक, सूत्रसंचालक आणि कवी अशा विविध प्रकारे प्रेक्षकांचे भरभरून मनोरंजन करणारा संकर्षण कऱ्हाडे अत्यंत लोकप्रिय आहे. संकर्षण सोशल मीडियावर नेहमीच सक्रिय असतो आणि चाहत्यांच्या संपर्कात राहताना दिसतो. नुकतीच त्याच्या बाबतीत एक मोठी अपडेट समोर आली आहे. अभिनेता संकर्षण कऱ्हाडेवर काही अज्ञात गुंडांनी हल्ला केला आहे. या हल्ल्यात संकर्षणच्या हाताला गंभीर दुखापत झाल्याचे समोर आले आहे. याबाबत अभिनेत्याने स्वतः पोस्ट करत माहिती दिली आहे.
अभिनेता संकर्षण कऱ्हाडेने त्याच्या अधिकृत सोशल मीडिया हॅण्डल इंस्टाग्रामवर एक फोटो शेअर केला आहे. या फोटोमध्ये त्याच्या हाताला मार लागल्याचे अगदी स्पष्ट दिसत आहे. हाताला गुंडालेलं बँडेज त्याला कितपत दुखापत झाली असेल याचा अंदाज देत आहे. असे असूनही संकर्षण नाट्यप्रयोगासाठी पोहोचला. तत्पूर्वी त्याने हा फोटो क्लिक करून शेअर करत कॅप्शनमध्ये लिहिलंय कि, ‘परवा रात्री माझ्यावर ४ (चार) गुंडांनी हल्ला केला.. मी त्यांच्याशी २ (दोन) हात केले .. त्यात माझा १ (एक) हात जखमी झालाय.. ह्याची तुम्हाला ० (शुन्य) कल्पना होती म्हणुन हा फोटो पोस्ट करतोय..’
संकर्षणने हि पोस्ट शेअर करताच त्याचे चाहते चिंतेत पडले आहेत. या पोस्टवर कमेंट करत ते संकर्षणला स्वतःची काळजी घे आणि लवकर बरा हो असे सांगताच दिसत आहेत. त्याच्या चाहत्यांचे प्रेम या कमेंट्समधून दिसून येत आहे. मात्र यावेळी अभिनेत्री स्पृहा जोशी कमेंट करताना ‘मस्तच रे’ असे लिहिल्यामुळे हा खरच अपघात आहे का आगामी प्रयोगाचे संकेत..? याबाबत शंका निर्माण झाली आहे.
Discussion about this post