हॅलो बॉलिवूड ऑनलाईन। मराठी अभिनेता संतोष जुवेकर सोशल मीडियावर प्रचंड सक्रिय असतो. यामुळे विविध फोटो, व्हिडीओ तो सोशल मीडियावर नेहमीच शेअर करताना दिसतो. यामुळे आपसूकच तो चाहत्यांच्या चर्चेचा भाग होतो. पण आज संतोषने शेअर केलेली एक पोस्ट नेटकऱ्यांचे लक्ष वेधून घेत आहे आणि चर्चेचा विषय ठरते आहे. हि पोस्ट त्याने महाराष्ट्राचं आद्य दैवत छत्रपती शिवाजी महाराज यांच्या संदर्भात भाष्य करत शेअर केली आहे. यामध्ये त्याने ‘पावनखिंड’मधील गाण्याचा व्हिडीओ शेअर केला आहे.
संतोष जुवकेरने आपल्या पोस्टमध्ये म्हटले आहे क, ‘खूप इच्छा होती आणि अजूनही आहे माझ्या शिवबा राजं वर निघणाऱ्या सिनेमात काम करण्याची फक्त एक गाणं मिळालं आनं जीव आपसूक गुंतला, वीज कडाडली अंगात आणि नाद नाद लागेल असा नाचलो अख्खा सिनेमा मिळाला करायला तर काय आग लागलं ओ माझ्या राज्याच्या आशिर्वादानं ही संधी पण लवकरच येईल माझ्या आयुष्यात” जय भवानी..जय शिवराय.. जय जय रघुवीर समर्थ।।’ संतोष जुवेकरची हि पोस्ट सोशल मीडियावर चांगली व्हायरल होत आहे.
संतोष जुवेकरच्या या पोस्टवर अनेक चाहत्यांनीही कमेंट केल्या आहे. एका नेटकऱ्याने पोस्ट शेअर करत लिहिलंय कि, ‘लवकरच तुझी इच्छा पूर्ण होवो.. हे गाणं (हार्ट इमोजी).. आनंद होतो की यात तू आहेस..’. अन्य एकाने लिहिलंय कि, ‘दादा नक्की येणार तो दिवस’. आणखी एकाने लिहिलंय, ‘दादा तुमची इच्छा महाराज नक्कीच लवकरच पूर्ण करतील’. एकंदरच काय तर संतोष जुवेकरचे चाहते त्याची इच्छा पूर्ण व्हावी म्हणून शुभेच्छा देत आहेत.
Discussion about this post