हॅलो बॉलिवूड ऑनलाईन| बॉलिवूड सिने इंडस्ट्रीचा यंग आणि चॉकलेट हिरो म्हणून शाहिद कपूर ओळखला जातो. लग्न झालेलं असूनही त्याच्यातील लहान मूल जसच्या तस जिवंत आहे आणि त्यामुळे तो दिलखुलास जगताना दिसतो. शाहिद सोशल मीडियावर सक्रिय असणाऱ्या सेलिब्रिटींपैकी एक आहे. यामुळे अनेकदा सोशल मीडियाच्या जगतात शाहिद चर्चेत असतो. नुकताच त्याचा एक व्हिडिओ सोशल मीडियावर चांगलाच व्हायरल होत आहे. जो पाहून त्याच्या चाहत्यांमध्येही विकेंड मुडचा उत्साह संचारेल.
सध्या सोशल मीडियावर अभिनेता शाहीद कपूरचा एक एनर्जेटिक डान्स व्हिडिओ व्हायरल होत आहे. ई टाइम्सच्या अधिकृत इंस्टाग्राम पेजवर हा व्हिडिओ शेअर करण्यात आला आहे. या व्हिडिओमध्ये शाहिद कपूरने नाईट ट्रॅक आणि स्वेटशर्ट परिधान केले आहे. तसेच त्याच्या सोबत त्याचे दोन मित्रसुध्दा दिसत आहेत. या व्हिडिओत शाहिद त्याच्या मित्रांसोबत मिळून मस्त एन्जॉय करत उत्साहाने पंजाबी नृत्य भांगडा करताना दिसतो आहे. त्याचा हा जबरदस्त व्हिडिओ पाहून कुणालाही इतकचं दिलखुलास नाचावं असं वाटेल.
शाहीदचा हा व्हिडिओ सध्या सोशल मीडियावर प्रचंड व्हायरल होत आहे. या व्हिडिओतील शाहीदचा मस्त अंदाज आणि उत्साही डान्स आपसूकच आपले लक्ष वेधून घेईल. हा व्हिडिओ सोशल मीडियावर तुफान व्हायरल होत असून चांगलाच ट्रेंड होताना दिसतोय. या व्हिडिओवर शाहीदचे चाहते मोठ्या संख्येने प्रतिक्रिया देत आहेत.
Discussion about this post