हॅलो बॉलिवूड ऑनलाईन। कलर्स हिंदीवरील बिग बॉस या रिऍलिटी शोमधून प्रकाश झोतात आलेली पंजाबी गायिका शेहनाज गिल कौर हि सोशल मीडियावर प्रचंड सक्रिय असते. वजनामुळे सतत ट्रोल झालेल्या शेहनाजने खूप मेहनतीने आपले वजन कमी केले आहे. यानंतर तिचा लूक तिची स्टाईल एकदम बदलून गेली आहे. बिग बॉस १४ मध्ये असताना शोचा होस्ट सलमान खान याने तिला पंजाबची कॅटरिना असं नाव दिलं होत. यानंतर आता तिने जो काही अंदाज बदलला आहे आणि जे फोटोशूट शेअर केली ते पाहून वाटतंय कि हि खरंच कॅटरिनासाठी कॉम्पिटिशन झाली आहे.
पंजाबी गायिका आणि अभिनेत्री शहनाज गिल कौरने अधिकृत सोशल मीडिया इंस्टाग्रामवर एक फोटोशूट शेअर केलं आहे. तसे याआधीही तिने अनेक फोटोशूट शेअर केले आहेत. पण या फोटोशूटने चाहत्यांचं थोडं जास्त लक्ष ओढून घेतलं आहे. यामध्ये शेहनाज एकदम सिम्पल मेकअपमध्ये दिसते आहे. तर तिने व्हाईट रंगाचा शॉर्ट ड्रेस परिधान केला आहे. यामध्ये तिने कॅमेरासमोर अतिशय लक्षवेधी आणि आकर्षक अशा पोझेज दिल्या आहेत. तिच्या या किलर स्टाईलने आणि अनोख्या अंदाजाने चाहत्यांचं मन जिंकलं आहे.
शहनाज गिल कौरचा मोठा चाहता वर्ग आहे. बिग बॉसचा १४ वा सीजन संपल्यानंतरही ती चाहत्यांच्या आणि प्रेक्षकांच्या मनात अजून घर करून आहे. या पर्वाचा विजेता आणि दिवंगत अभिनेता सिद्धार्थ शुक्लासोबत तीची चांगली केमिस्ट्री होती. शोमध्ये असल्यापासून सिडनाज हा हॅशटॅग ट्रेंड झाला होता. यानंतर अचानक काळाने घाला घातला आणि सिद्धार्थला हार्ट अटॅक आल्याने त्याचे निधन झाले. यानंतर शेहनाज अक्षरशः कोलमडल्याचे दिसले. तिची अवस्था पाहून अनेकांचं मन हेलावलं होत. यानंतर ‘शो मस्ट गो ऑन’ म्हणत तिने पुन्हा जगायला सुरुवात केली आहे. यामुळे तिचे चाहते खूप खुश आहेत आणि तिला नेहमी प्रोत्साहन देताना दिसतात.
Discussion about this post