हॅलो बॉलिवूड ऑनलाईन। बिग बॉस सीजन १६ चा रविवारी १२ फेब्रुवारी २०२३ रोजी ग्रँड फिनाले सोहळा पार पडला. प्रेक्षकांचे अंदाज फोल ठरवून आणि प्रियांका चहर चौधरी तसेच शिव ठाकरेला मागे टाकून पुण्याचा रॅपर एमसी स्टॅन याने बिग बॉस सीजन १६चे विजेतेपद जिंकले. यामुळे सगळ्यांनाच धक्का लागला. शिव ठाकरे खरा विजेता आहे म्हणत एकीकडे सोशल मीडियावर जोरदार ट्रोलिंग सुरु झालं आहे. तर दुसरीकडे शिव ठाकरेने हरल्यानंतर दिलेली प्रतिक्रिया चांगलीच चर्चेत आली आहे.
एकीकडे मंडलीच्या माध्यमातून कोपर्या कोपऱ्यात खेळणारा एमसी स्टॅन बिग बॉस सीजन १६चा विजेता झाला याचा त्याला आणि त्याच्या चाहत्यांना प्रचंड आनंद आहे. तर दुसरीकडे शिव ठाकरेच्या पराजयाची निराशा त्याच्या चाहत्यांमध्ये स्पष्ट इदसून येत आहे. भले शिव ठाकरे त्याच्या चेहऱ्यावर हरण्याचे दुःख किंवा निराशा दाखवत नसेल पण सुरुवातीपासून चांगलं खेळून शेवटी असा निर्णय त्यालाही नक्कीच अपेक्षित नव्हता. आता फायनलमध्ये तो ट्रॉफी जिंकू शकला नसला तरी ट्रॉफी मंडलीकडे आली याचा त्याला आनंद आहे असे त्याने सांगितले.
ग्रँड फिनालेनंतर बाहेर पडल्यावर शिव ठाकरेने माध्यमांशी संवाद साधला. यावेळी त्याने सांगितले कि, ‘एमसी स्टॅन एक चांगला खेळाडू आहे. तितकाच तो एक खरा माणूस आहे. आता साहजिकच मला जिंकण्याची अपेक्षा होती. मी खूप उत्कटतेने खेळ खेळलो आणि जिंकण्यासाठी कामगिरी केली. एखाद्या मुद्द्यासाठी आवाज उठवणे असो किंवा कोणत्याही कामात माझं बेस्ट देणं असो, मी माझं १०० टक्के दिले आहे. किमान हिंदी प्रेक्षक मला ओळखत आहेत यातच मी आनंदी आहे.’
Discussion about this post