हॅलो बॉलिवूड ऑनलाईन। मराठी सिनेसृष्टीतील हास्याची राणी अभिनेत्री श्रेया बुगडे सोशल मीडियावर चांगलीच सक्रिय असते. ती अनेकदा विविध अंदाजात फोटो सोशल मीडियावर शेअर करत असते. सध्या गणेशोत्सव सुरु आहे आणि अशा उत्सवाच्या दिवसात श्रेया फोटो शेअर करणार नाही.. असं कसं चालेल..? म्हणूनच श्रेयाने आपल्या लाडक्या बाप्पासोबतचे काही क्षण टिपून आपल्या लाडक्या चाहत्यांसोबत शेअर केले आहेत. यामध्ये श्रीगणेशाची अतिशय सुंदर मूर्ती दिसते आहे आणि सोबत सुंदर नारी इन सारी अर्थात.. अभिनेत्री श्रेया बुगडे साडीमध्ये दिसते आहे.
अभिनेत्री श्रेया बुगडेने आपल्या अधिकृत सोशल मीडिया हँडलवर हे फोटो शेअर केले आहेत. इंस्टाग्रामवर हे फोटो शेअर करताना तिने कॅप्शनही दिले आहे. या कॅप्शनमध्ये तिने लिहिलं आहे कि, हॅशटॅग लाडका.. सर्व गोष्टी अतिवास्तव.
या फोटोंमध्ये अभिनेत्रीने मेहंदी कलरची सुंदर अशी काठाची साडी परिधान केली आहे. सोबत गळ्यात अतिशय सामान्य मात्र आकर्षक असा नेकलेस परिधान केला आहे आणि कपाळावर बिंदी लावली आहे. तसेच हातात बांगड्या आणि हातावर मेहंदी सुद्धा काढली आहे.
श्रेयाचे फोटो पाहून नेटकरी फारच भाळले आहेत. एकतर या फोटोंमध्ये गोडुला बाप्पा विराजमान झाल्याचे दिसत आहे. त्याची आरास अतिशय सुंदर आहे. शिवाय सोबत श्रेयानेही साडी परिधान केल्यामुळे तिचे सौंदर्य आणखीच खुलून आले आहे. यामुळे या फोटोंवर कमेंट्सचा नुसता वर्षाव होताना दिसत आहे. नेटकरी कमेंट बॉक्स मध्ये म्हणत आहेत कि, गणपती बाप्पा मोरया..! शिवाय काहींनी म्हटलंय कि, अगं. किती सुंदर. तर आणखी काही नेटकऱ्यांनी या फोटोंवर हार्ट ईमोजी आणि अप्रतिमचे इमोजी शेअर केले आहेत.
Discussion about this post