हॅलो बॉलिवूड ऑनलाईन। बिग बॉस मराठीच्या घरात चार वाइल्ड कार्ड एंट्री म्हणून चॅलेंजर्स आल्यापासून घर नुसतं दणाणलं आहे. आता या घरात रोज नवा राडा होतोय. त्यातच आता बिग बॉसने रजा घेतल्यामुळे चॅलेंजर्सच्या हातात राज्य आलं आहे आणि स्पर्धकांना पुरती सजा झाली आहे. अशातच घरातील स्पर्धक रोहित शिंदे आणि मीरा जगन्नाथ यांच्यातही वाद झाला आहे. त्यातच आता घरात आपला सिद्धू म्हणजेच सिद्धार्थ जाधव येणार आहे. खरतर तो त्याच्या आगामी चित्रपटाच्या प्रमोशनसाठी येतोय पण जाताना मात्र तो आणखी एक धक्का देऊन जाणार आहे. हा धक्का असणार आहे एव्हिक्शनचा.
मराठी अभिनेता सिद्धार्थ जाधव सध्या त्याच्या आगामी ‘बालभारती’ या चित्रपटामुळे चर्चेत आहे. हा चित्रपट आज प्रेक्षकांच्या भेटीला आला असून सिद्धार्थ या चित्रपटाच्या प्रमोशनमध्ये व्यस्त आहे. सध्या तो याच चित्रपटाच्या प्रमोशनसाठी बिग बॉस मराठीच्या घरात एंट्री करताना आपल्याला दिसणार आहे.
त्याला घरात पाहून साहजिकच सगळे स्पर्धक भारी खुश होतील. पण हा आनंद किती काळ टिकेल ते काही सांगू शकत नाही. कारण मजा करुयात म्हणत सिद्धांत थोड्याच वेळात शाब्दिक बॉम्ब फोडताना दिसणार आहे आणि नंतर एव्हिक्शनच्या धक्क्याने सगळं घर हादरवून टाकणार आहे.
व्हायरल प्रोमोमध्ये सिद्धू सांगतोय कि, ‘मी घरातुन बाहेर जातांना एका सदस्यला घरातुन घेऊन जाइलं’. हे एकताच सगळ्या स्पर्धकांचे चेहरे पडतात आणि आता कुणाचीतरी एक्झिट होणार पण कुणाची या प्रश्नात पडतात. अलीकडेच तेजस्विनी लोणारीला तिच्या हाताला झालेल्या दुखापतीमुळे घर सोडून जावे लागले होते. यावेळी संपूर्ण घर भावुक झाले. यानंतर आता सिद्धार्थसोबत घराबाहेर कुणीही पडलं तरी हा आठवडा स्पर्धकांसाठी डबल एलिमिनेशचा ठरणार आहे. ज्यामुळे सिद्धूचं येन क्षणिक सुखासारखं भासणार आहे.
Discussion about this post