हॅलो बॉलिवूड ऑनलाईन। बॉलिवूड संगीत विश्वातील अत्यंत लोकप्रिय गायक अरिजित सिंग लाखों हृदयांची धडकन आहे. अरिजीतचा आवाज अतिशय जादुई आणि त्याच वागणं अतिशय संस्कारी आहे. त्याच्या कॉन्सर्टमध्ये मरणाची गर्दी पहायला मिळते. ज्यामुळे तो नेहमीच सोशल मीडियावर चर्चेत असतो.
तर दुसरीकडे टीम इंडियाचा माजी कर्णधार कॅप्टन कूल एम. एस. धोनीच्या चाहत्यांची संख्या मोजी तितकी कमीच. त्याची एक झलक पाहण्यासाठी प्रत्येकजण उत्सुक असतो. असे हे दोघेही एकत्र स्पॉट झाले आणि यावेळी जे घडलं ते पाहून नेटकरी थक्क झाले आहेत. यंदाच्या IPL मधला एक व्हिडीओ व्हायरल होत आहे. ज्यामध्ये अरिजित चक्क धोनीच्या पाया पडताना दिसतोय.
Yesterday Highlight
ARIJIT SINGH × MS DHONI #IPLonJioCinema #ArijitSingh #MSDhoni pic.twitter.com/CfloE64eTJ— 🎗️𝙀𝙡 𝙍𝙤𝙮 ᴀꜱ ʟᴏᴠᴇʀ🎗️ (@EL_Roy_AS) April 1, 2023
नुकतीच शुक्रवारी ३१ मार्च २०२३ पासून IPL च्या १६ व्या सिजनची सुरुवात झाली आहे. या सिजनच्या उद्धाटन सोहळ्यासाठी अनेक कलाकारांनी उपस्थिती होती. यावेळी धोनीची चेन्नई सुपर किंग्ज आणि हार्दिक पंड्याची गुजरात टायटन्स या संघांमध्ये पहिली मॅच झाली. यामध्ये चेन्नई सुपर किंग्जचा पराभव झाला. मात्र या सामन्यादरम्यान गायक अरिजित सिंग आणि धोनीची भेट हि कायम स्मरणात राहील अशी घडली आहे. अरिजितने नेहमीच त्याच्या गाण्यांनी प्रेक्षकांना मंत्रमुग्ध केले आहे. तर धोनीने त्याच्या कमालीच्या खेळाने सगळ्यांचे मन जिंकले आहे. खरंतर हे दोघेही एकमेकांच्या कामाचा आदर करतात आणि एकमेकांचे मोठे चाहते आहेत. मग अरिजित धोनीच्या पाया का पडला..?
तर झालं असं कि, धोनीने स्टेजवर येताक्षणी उपस्थित तमन्ना भाटिया आणि रश्मिका मंदाना या दोघींसोबत हस्तांदोलन केले. यानंतर धोनी अरिजितकडे आला. तर अरिजीतने खाली वाकून धोनीच्या पायाला स्पर्श केला. यावेळी धोनीने त्याचा हात पकडला आणि वर उचलून त्याला घट्ट मिठी मारली. या दोघांच्या भेटीचा हा एक अद्भुत आणि विलक्षण असा क्षण पाहून सगळेच भारावले.
या दोन्ही व्यक्ती आपल्या कामाबाबत प्रामाणिक आणि गर्व नसलेल्या असल्यामुळे त्यांच्या भेटीचा हा क्षण कायमचा मनात कैद झाला आहे. हा व्हिडीओ चाहत्यांनी डोक्यावर घेतला आहे आणि सोशल मीडियावर तुफान व्हायरल केला आहे. चाहत्यांनी अरिजित आणि धोनी यांच्या साधेपणाचे भरभरून कौतुक केले आहे.
Discussion about this post