हॅलो बॉलिवूड ऑनलाईन। बॉलिवूड सिनेसृष्टीतील लोकप्रिय आवाज ज्येष्ठ गायिका आशा भोसले आणि महाराष्ट्र नवनिर्माण सेनेचे अध्यक्ष राज ठाकरे यांची नुकतीच भेट झाली. या भेटीचे फोटो सोशल मिडीयावर व्हायरल झाले आहेत. पण या भेटीमागील कारण काय.? ते आपण जाणून घेऊ.
गायिका आशा भोसले यांनी स्वतः राज ठाकरे यांच्या दादर मधील ‘शिवतीर्थ’ या निवासस्थानी जाऊन त्यांची भेट घेतली. त्याचं काय आहे ठाकरे आणि मंगेशकर घराण्याचे अत्यंत जवळचे आणि सलोख्याचे संबंध आहेत. यामुळे आशा भोसले राज ठाकरेंच्या पायावर शस्त्रक्रिया झाल्यानंतर त्यांची विचारपूस करण्यासाठी त्यांच्या भेटीला गेल्या होत्या. राज ठाकरेंच्या उजव्या पायाचे दुखणे बळावल्यामुळे त्यांच्या पायावर शस्त्रक्रिया करण्यात आली आहे. डिस्चार्जनंतर आता राज ठाकरेंच्या भेटीसाठी अनेक राजकीय नेते, कलाकार मंडळी त्यांच्या घरी जात आहेत. यानिमित्त ज्येष्ठ गायिका आशा भोसलेदेखील राज यांच्या निवासस्थानी पोहोचल्या होत्या. दरम्यानचा फोटो सोशल मीडियावर व्हायरल झाला आहे.
आपण या फोटोमध्ये पाहू शकता कि, राज यांच्या एका हातात वॉकिंग स्टीक आहे आणि त्यांच्या बाजूला आशा भोसले उभ्या आहेत. राज यांनी आशा भोसलेंच्या खांद्यावर हात ठेवला असून त्यांनीही दोन्ही हातांनी राज यांचा हात पकडला आहे. हा फोटो क्लिक करताना दोघेही आनंदी दिसत आहेत आणि कॅमेराकडे पाहून हसत आहेत. शस्त्रक्रीयेनंतर राज यांना आराम करण्याचा सल्ला डॉक्टरांनी दिला असून आशा भोसले यांनीही राज यांना प्रकृतीची काळजी घेण्याचे बजावले आहे. गेल्या महिन्यात २० जून रोजी लीलावती रुग्णालयात राज ठाकरेंवर शस्त्रक्रिया झाली आणि ५ दिवसांनी २५ जून २०२२ रोजी राज घरी परतले.
Discussion about this post