हॅलो महाराष्ट्र ऑनलाईन | अभिनेता सुशांतसिंग राजपूत प्रकरणी मुंबई पोलिसांनंतर आता बिहार पोलिसांनीही तपास सुरू केला आहे. अनेक लोकांची चौकशी करून सुशांत प्रकरण लवकरच सोडविण्याचा प्रयत्न केला जात आहे. परंतु याचदरम्यान, सुशांतचे चाहते आणि इतर अनेक कलाकार सीबीआय चौकशीची मागणी करत आहेत. कालच माजी मुख्यमंत्री देवेंद्र फडणवीस यांनी या प्रकरणात CBI चौकशीची मागणी केली होती.
त्यातच आता काँग्रेस नेते संजय निरुपम यांनीही CBI चौकशीची मागणी केली आहे. त्यांनी ट्विट करून मुंबई आणि बिहार पोलिस या दोघांच्या कारवाईवर प्रश्नचिन्ह उभे केले आहे.
सुशांत सिंह की मृत्यू की जाँच दो पुलिस अलग-अलग करे,यह अटपटा है।
अगर मुंबई पुलिस जिद्द नहीं छोड़ती तो बेहतर होगा बिहार सरकार केंद्र को लिखे और इस मामले की #CBI जाँच की माँग करे।
कम-से-कम जाँच को एक दिशा मिलेगी और जनभावनाओं का सम्मान होगा।
सबसे अहम है कि सुशांत के साथ न्याय होगा।— Sanjay Nirupam (@sanjaynirupam) August 1, 2020
संजय ट्विटमध्ये लिहतात – सुशांत सिंगच्या मृत्यूची दोन्ही पोलिसांनी स्वतंत्रपणे चौकशी करत आहेत हे आश्चर्यकारक आहे. जर मुंबई पोलिसांनी हट्ट सोडला नाही तर बिहारने केंद्र सरकारला पत्र लिहून या प्रकरणाची सीबीआय चौकशी करण्याची मागणी करणे चांगले. किमान तपासणीस दिशा मिळेल आणि लोकभावनांचा आदर केला जाईल. सर्वात महत्त्वाचे म्हणजे सुशांतसोबत न्याय होईल.
संजय निरुपम जरी पोलिसांवर प्रश्न उपस्थित करीत असले तरी पण दुसरीकडे बिहार पोलिसांनी त्याचा तपास वेग वाढविला आहे. रिपोर्ट्सनुसार सुशांतची गर्लफ्रेंड रिया चक्रवर्ती यांच्या विरोधात लुकआउट नोटिसचा विचार केला जात आहे. असे झाल्यास, या प्रकरणात हा एक मोठा विकास म्हणून पाहिले जाईल आणि रियाच्या समस्या वाढतील.
